TVB重头剧《璀璨之城》正如火如荼在澳门、珠海等地取景拍摄，而今（17日）就在澳门金碧坊举行开镜仪式，一众主演及多位演员均有出席，场面相当热闹。

而有份参与该剧演出的资深演员炜烈（原名刘永伟），在接受媒体访问时，提到日前有一名叫Mic的网民在网上上贴一张儿时父子照寻父，相中可见到他抱着仍是幼儿的Mic，而在事后他接受传媒访问时就坦承Mic就是他儿子，问到之后会不会想跟儿子联络，他就表示：“梗系好想见啦，但呢轮撞啱我喺澳门开工，咁个边就要靠某一位记者揾到佢，揾到佢之后先知可唔可以联络到我，仲未联络到。（几多年冇见？）十九、二十年，（期间有冇联络？）完全冇，当时唔系我唔要佢，系因为佢阿妈仲未定性，咁就分开咗。（突然儿子出现，心情点呀？）系几开心，因为由佢出世直至到九岁，我有同佢联络同埋凑过佢，但因为后尾我同佢阿妈唔可以喺埋一齐，一路分开到而家，佢应该29岁，（如果你见到佢第一件事想做咩？）我会揽住佢，同埋问候吓佢咁多年嚟点样，话晒都系自己骨肉，只不过唔系话我唔会负做父亲嘅责任，我哋又唔可以话推晒俾佢，各方面都有错。”

而炜烈亦表示若果能见到儿子并听到对方叫自己一声爸爸都会很开心：“如果我真系有机会见到佢，佢嗌声我（爸爸）都真系好开心㗎。如果你话会唔会喊，因为我都比较刚强啲。”而他亦讲到之前有媒体联络到儿子与他在西环一间餐厅世纪重逢，但却在见面前半小时，Mic就告知媒体不能出席，对此他亦相当失望：“我都好失望，我话如果你（媒介）约到佢的话，就即刻通知我。”强调与儿子多年未见很想念对方，而他目前自己难以联络儿子，只有儿子能找到自己而已。

另外，炜烈亦表示同儿子生母完全没有交集，问到对于儿子生母有没有心存怨恨，他二话不说：“我有怨恨，当阵时我同佢分开，我话你将个仔畀我，佢唔制，佢唔制我有咩办法啫。”最后，他亦表现很想见到儿子，看看对方现在长大了变成甚么样，将来如果有机会相认，亦不介意与对方一起住。