电影《寻秦记》上映在即，不少观众都相当兴奋！TVB在其官方释出除电视版《寻秦记》以外，同时不少古天乐旧作的剧集也同步上架！近来不少网民在网上分享《寻秦记》的短片，形容剧集是穿越剧的潮流先锋，更有人指古天乐将现代口语去饰演古代剧，可说是有创意、新鲜、搞笑又贴合情节！早年古天乐接受黎芷珊访问，就曾大爆当中情节是自己发挥创意更改而成的。

入行经过

在早年播出的节目《最佳男主角》中，黎芷珊问及古天乐的入行经过。古天乐表示，早年自己是在一间模特儿公司任职经理人，所以早期会出现在一些音乐MV之中。其后加入TVB也与此有关：“𠮶阵我好似系带两三个女仔去拍香港小姐宣传短片，跟住艺员科其中一位同事见到我：‘呀，你都几好呀，不如考虑吓签艺员。’我话：‘你唔好搞我。’”拒绝了一次后，为什么最后又会签约？说来巧合。

古天乐：“我一年后再签。（黎芷珊：点解呢？）因为𠮶间model agents公司就倒闭。咁我就冇嘢做，咁啱佢真𠮶一日打电话畀我㖞，我真系觉得好桥呢个世界。”

晒黑之谜

之后，两人又讲起古天乐“晒黑之谜”。黎芷珊：“几时开始会晒黑咗呢？”古天乐回答：“我不嬲细细个⋯⋯其实𠮶时科技冇咁先进，我暑假都有去游水晒太阳㗎。我不嬲都钟意健康肤色㗎。”黎芷珊：“但系𠮶时真系好青靓白净。”古天乐：“𠮶阵时夜以继日，日以继夜，又夜以继日咁样拍，咁你点样唔白啫？我𠮶阵时系唔化妆拍戏。”黎芷珊：“你天生丽质。”古天乐：“初初入行有化嘅，头两三部仲有，但系古装唔化唔得，要冚头。点解我少化妆，因为我真系好憎化妆，返到屋企都系得粒呢两粒钟。嗱你决定，系落妆冲凉定系瞓觉？你拣一样。直头系攰到，落咩呀，返到公司先慢慢抹啦。慢慢就只系得一个方法唔使化妆，就系晒黑佢！”古天乐又直认，自己会在家中晒太阳灯。

《寻秦记》

讲到《寻秦记》，当年古天乐表示是“暂时为止拍过最喜欢的剧集”。“所有你见到嘅搞笑术语，谂法又好，都系我自已加入去。个剧本本身系冇㗎。”黎芷珊：“原本系一个比较实嘅戏？”古天乐：“即系见到呀边个，宣萱，唉真系成个八婆咁。好，加一句：‘正八婆。’咁点接呀？‘得啦，总之我话佢八婆，你就话，喺我哋乡下话八婆系靓，你咁讲得㗎啦。’”黎芷珊大惊：“原来系咁样㗎？”

古天乐续道：“冇㗎，𠮶时剧本点会写呢啲畀你？完全乜嘢都冇㗎。”黎芷珊：“系咪你第一套搞笑嘅戏？”古天乐：“𠮶时系反对我拍搞笑添，公司。（点解？）因为冇谂过，唔需要你走去搞笑，觉得穿越时空已经好得㗎啦。我话好多位好正，唔好嘥咗佢。𠮶时边会着件Tee-shirt，都系逐忽逐忽加入去，但系因为加到后半截，亦都系我离开TVB嘅唯一一部戏，因为中间病咗一大获，病到后面真系冇精力再加。”黎芷珊：“呢件事吓怕咗你，令你唔想再咁辛苦？”古天乐回答：“绝对系。我病完返嚟都同公司讲，你尽量拍一日外景停一日。厂景就晚晚拍，你话几离谱呀。”