裕美专访｜帮林作警署下饭交保释金 冇谂过分手：底线系郁手打我
裕美离过一次婚。25岁嫁予教会朋友林恩浩，婚姻仅维持了三年，结婚约一年半后，裕美已毅然入纸离婚。这段婚姻对裕美最大教训，是伴侣要找个有恋爱经验、价值观相合的人。
25岁结婚遭前夫家暴
裕美自小父母分开，年轻轻轻已向往婚姻：“我原本打算22岁结婚，25岁先结婚，已经迟咗三年！”裕美结识了同为教友的前夫后，火速步入婚姻，可是发现与对方人生经历相差太远，价值观南辕北辙，“两个世界太唔同，我喺呢一行咁耐，接触唔同范畴嘅人太多；而佢真系一个好清纯嘅人，由细到大喺教会长大，冇乜点出嚟做过嘢，我觉得自己好似凑紧仔咁！”前夫饮醉后会发酒癫、飞垃圾桶，“一个垃圾桶喺我面前飞过，令我谂起我爸爸，我唔得。佢饮大会瞓喺浴缸度，要我拖佢出嚟。”裕美试过劝前夫不要太投入香港政治活动，影响家庭生活，前夫“着了魔”将裕美扻头埋墙，“我𠮶一刻冇感觉，呆咗，好难想像佢会咁做。”
前夫爽约妈妈生日派对
裕美最气的是，前夫在妈妈生日当天爽约。“佢应承我嚟，我打畀佢，12点切蛋糕，11点几佢都未返嚟，佢话而家喺Party，留得住佢个人，留唔住佢个心。”裕美两母女等到凌晨三点，前夫又再饮醉酒姗姗来迟，不回复讯息，裕美盛怒之下落楼掌掴他，前夫被打后竟发脾气爆喊滚地，裕美只得把他哄回家。她想起这段不愉快回忆时，依然语带无奈，裕美说：“离硬婚啦！边个唔尊重我妈，我就同佢死过！”
同林作拍足7年拖：佢对我零要求
裕美之后恋过艺人黄子恒、外国男友Alex，最后情定林作。裕美笑言一开始讨厌林作，“点解有人个头乱得咁紧要，唔靓仔，但超级有自信。”林作全晚“眼定定”望实裕美狂赞靓女，裕美只感对方似“宅男”。当时裕美与外国男友感情出问题，林作以“恋爱顾问”自居，热心为裕美解答感情烦恼，最后结论只有一个，“你终有一日会同我一齐。”在林作的热烈追求下，裕美被打动芳心，一拍七年。
裕美欣赏林作聪明、锲而不舍、爱动物，最打动裕美的是，林作让她全然做自己，“好多人对你好多要求，但阿作系零，对你零要求。我闹完佢之后，佢会话，我真系好钟意你，你恶个样好靓！”
愿与林作共患难：底线系郁手打我
近年林作争议不断，卷入JPEX案被拘捕，裕美频扑为男友打点，借钱交保释金、警署送叉烧饭，陪伴上庭。裕美有时因难以分身兼顾太多事而“忟憎”，但她直言，从未想过要离开林作，她认为：“你同一个人一齐，佢点样你都要接受。因为佢冇打我，而且佢对我都系好，我唔会因为其他嘢同佢分开。我嘅底线就系，你对我唔好，你郁手打我，我即刻走。但你冇嘅时候，你纯粹喺我眼中系顽皮，我唔知你几时又出咗咩，焫着咗火头，我都要同你共同面对。”
说起裕美现身湾仔法庭，被拍下丑照，成为林作的最大娱乐，裕美好气又好笑，气是为林作频频扑扑，林作出来后竟没有一句感谢；笑的是丑照稀释了当日的严肃气氛，裕美忍俊不禁道：“有时唔好嘅嘢，都系好嘅嘢。”
爱情可有可无
裕美与林作已达7年之痒，感情如家人，爱情对她来说可有可无。裕美坦言，相比年轻时，她对爱情执念少了，没有期望，没有压力，反而细水长流，“我有一个目标方向，希望趁有气有力之前，可以冲刺完呢十几年。开心就系一齐，唔开心唔好浪费我时间，所以阿作如果系可以忙碌之中，畀到我一些舒缓的娱乐、开心，他哄得我开心，我觉得系可以嘅。”
转型做KOL 亲揭与“五索”关系
裕美近年全力做网店，转型做KOL创业从商，想为妈妈提供更好的生活。出乎意料的是，裕美首度用社交平台卖货，竟发现商机，“有个人同我讲IG好用，你可以试吓介绍。我三年冇用过嘅IG，点知𠮶个月，有成千个客。我先发现，原来我可以带货。”而网红“五索”则必定是她近年事业上最成功的计划，当初裕美在五索身上看见年轻时的自己，借钱予对方创业，介绍记者、教她拍片自我宣传，“系一个好细嘅Project。当下佢想大家多啲认识佢，快啲嘅方法系，本身有follower嘅人推佢，我哋嘅谂法系咁，都冇谂过咁成功，第一次帮人咁做。”
裕美澄清与五索非朋友，只是工作上的合作伙伴，但帮助她，其中一个原因是在她身上看到以前被娱乐公司控制的自己，“我知道佢唔使自己揾钱，都有饭食、有屋住。但我觉得人最后都系要靠自己，你先有啲bargaining power，唔系你喺屋企都冇声出。”裕美坦言，今无意重返娱乐圈，不想讨好其他人，爱出歌便自资出歌，任观众爱听不听，活得自在。