李明慧在历经多年家庭暴力阴霾后，今年终于迎来一个久违安稳的圣诞节，爱女Ava特意由纽约飞返香港，与母亲及孖生哥哥三人团聚，三人在厨房里合力炮制甜品，让家的味道重新变得甜蜜。

平安夜圣诞节前夕(24/12）Ava化身成甜品大师，带领母亲李明慧及哥哥走进厨房，Ava快手打完多只鸡蛋后，就交由哥哥接棒，快手拿起打蛋器全力发蛋，而李明慧从旁加入白糖等材料，当哥哥将蛋液打至起泡望向妈妈，李明慧轻拍儿子肩膀，笑住赞他：“你好专业呀，阿哥可以开烘焙班啦！”Ava大表认同：“以后发蛋就靠你啦。”笑声此起彼落，氛围格外温暖。经过半小时焗制，甜品终于出炉，三人开心品尝美味的甜品，享受著充满幸福洋溢的时光。

面对母亲李明慧惨遭父亲家暴伤害，女儿Ava感到十分难过与痛心，她接受《香港01》访问时真情剖白对母亲的爱：“其实知道妈咪为咗我同哥哥付出咗好多，宁愿牺牲自己都一直保护我哋，佢从来都唔会谂自己，唔开心又唔会同我讲，好多时候都系收埋自己，怕我为佢担心，我知佢一直都好坚强咁去默默承受，我知妈咪真系好锡我同哥哥，佢成日会为我哋谂将来。好多时夜晚，佢都会同我倾偈，帮我消化喺学校遇到嘅困难同唔愉快嘅经历。佢嘅支持令我觉得被理解、被保护，亦都好有安全感。同埋妈咪一直都非常支持我，无论我想做咩，佢都好支持我，就好似喺多元思维社群（Neurodiversity HK）佢都好支持我。”

Ava细诉著与母亲相处的甜蜜时光，脸上总挂着甜蜜笑容：“对我嚟讲最珍贵嘅时刻，就系喺夜晚我瞓觉嘅时候，妈咪佢会陪我瞓觉同我倾偈，我会同妈咪分享我遇到嘅问题，同唔开心嘅事，妈咪就会安慰我、引导我，令我觉得好有安全感，感觉好实在。”

Ava还记得有次和母亲李明慧巴黎之旅，令二人母女感情升温：“𠮶次同妈咪一齐去巴黎同滑雪，系好珍贵嘅母女之旅，我一世都会珍惜。𠮶次唔只系旅行，而系我哋之间建立信任同连结嘅时光。同埋平日喺屋企一齐玩小狗、食饭、相处，都系我心入面最温暖嘅回忆。另外，每个星期日同妈妈同我哥哥一齐返教会，对我哋嚟讲亦都系一个带嚟平安同凝聚力嘅重要时刻。”

面对将来，Ava感到乐观：“我相信妈妈同我同哥哥可以慢慢复原，重新享受生活，而唔需要再被外在嘅冲突同压力影响。当我去读大学之后，我希望佢哋可以有更多自由，一齐去旅行、体验生活、开心相处，而唔需要成日担心同受限制。呢份希望令我觉得安心。”

Ava目睹家暴，心灵受到创伤，幸得信仰走出黑暗：“呢段经历令我更加依靠上帝，亦都令我嘅信仰成长得更深。参与教会社群令我喺困难入面学识坚强同保持平静。呢啲经历塑造咗我更加勇敢，喺倡议工作上敢企出嚟，为公义发声，关注家庭暴力问题，同时为多元思维社群（Neurodiversity HK）嘅小朋友喺法律制度入面争取更好嘅保障。呢啲都影响咗我对将来嘅方向，包括考虑修读法律，以及长远继续发展 Neurodiversity HK，去带来更深远嘅改变。”

对曾在恐惧与压迫之下生活多年的这个家庭而言，一个得来不易平静的圣诞，三口子只有甜品、笑声和拥抱，却足以成为他们走出阴霾后最珍贵、最温馨的一章。