裕美爸爸是日本人，妈妈是香港人，自小港日两边飞，转过8间学校。裕美童年看着父母在家中“搏斗”长大，成长过程充斥动荡不安。裕美小时候试过整晚不睡，偷听爸爸妈妈嘈交，她说：“日本屋企好似人哋叮当啲趟门咁，听隔篱房做咩好容易，我成晚贴住墙听佢哋讲咩，冇瞓过觉。”

日本人身分遭受校园欺凌

爸爸其实很疼裕美，“佢𠮶种锡同妈妈唔同，佢系会买玩具𠮶种锡。”可是父母常因小事嘈交，吓得裕美心惊胆跳，“连一条雪条棍跌落地都可以嘈。”爸爸高大又低音，对小小的裕美来说，形象可怕，“佢把声好低音，好似行雷咁，好惊。”裕美坦言当时“好大压力，连扔垃圾都小心翼翼。”

裕美妈知道裕美受不了之后，一日突然现身学校接走女儿，两母女一声不响匆匆返回香港生活。回港后的裕美由妈妈和外婆凑大，住在调景岭石屋。香港读书期间，曾因“和田裕美”这个日本名字，遭受校园欺凌。男同学对她说色情话题，女同学则忌妒裕美是异类，又抢了风头，“中学嘅时候试过俾女同学成碗面淋落我个头度，又叫我放学小心啲；亦都真系试过有啲染晒彩色头发嘅年轻人走过嚟‘接放学’，所以我真系好惊。”自小坚强的裕美回家后报喜不报忧，“我返到屋企唔想妈妈担心，都系Keep住展现最漂亮嘅笑容，好开心话畀佢知喺香港都好开心，唔一定要返日本住。”

曾恨爸爸大男人：始终系我阿爸

裕美曾经恨爸爸大男人，“你身为一个男人，点解唔可以就吓个女人，点解你要闹佢？”长大后裕美拍过几次拖，结过婚又离过婚，对感情了解多了，彼时又想到爸爸年纪渐长，她逐渐解开心结，“始终都系我阿爸，注定嘅，冇得拣；我又已经30几岁，我爸爸大我妈妈14年，已经80几岁，我有生之年仲有冇机会见到佢呢？”

2011年日本海啸，裕美已开展了寻父之旅。近年不时去日本寻父，并在社交网发文寻人。在一位朋友的帮助下，裕美取得爸爸的联络方式，电话接通后，爸爸一开始竟以为是诈骗，问裕美道：“你细个系咪唔钟意着底裤？”才确认是裕美，父女相隔23年终于相认。

爸爸学识讲我爱你

时间改变了裕美，也改变了爸爸，裕美难忘首次见到父母气氛融洽的画面，她说：“人生第一次听到佢哋喺电话度鸡啄唔断，唔系嗌交，系讲笑。𠮶一刻我心谂，可能人生唔喺一个完整嘅家庭长大，当我听到爸爸妈妈喺电话入面倾得咁和谐，我已经觉得人生死而无憾。”

当裕美多年后再见到爸爸的样子，心中感叹家人无法割舍的羁绊：“再见到佢嘅时候我望咗佢劲耐，原来我个样啲似阿爸，其实你好耐冇见一个人，佢又系你家人，你都系有一个好大感触喺度。”即使回港后，爸爸亦常发讯息表达爱意，一改大男人性格，“爸爸会讲好多甜蜜说话，讲我爱你，甚至同我妈妈讲好多谢你凑到个女咁大，好对唔住。以前大男人到唔会讲呢啲。”