陈庭欣与坐拥十亿身家的彩丰行老板富豪男友杨振源相恋8年，近期因缺席男友生日会及圣诞各自庆祝，引发分手疑云。 虽然双方过去屡传绯闻及婚讯，但陈庭欣多次公开否认分手，强调感情稳定。网民及媒体揣测不断，事件成为娱乐圈热议焦点。

陈庭欣今日（29/12）现身尖沙咀出席无线全新节目《寻欢作乐的姐姐》宣传造势活动，对于分手疑云陈庭欣接受《香港01》访问时表示：“其实我一直都有想揾机会同大讲，咁啱前排因为社会上都出现唔开心嘅火灾事件，我觉得唔系时候去同大家分享，咁所以而家都有个缘分，就同大家讲我而家系Single。至于我同佢究竟咩原因分手，就留返俾我同佢。但我只能够讲系大家嘅谂法同三观有啲唔同嘅时候，就不能够再即系一齐，用情侣嘅方法一齐行落去，其实喺两三个月前，大家系有倾过呢啲问题。”

被问到是否逼婚问题导致分手？陈庭欣表示：“其实每次访问我都讲过唔系，但出到嚟都会讲成系，因为我自己本身都冇结婚嘅概念，而我屋企人都唔催我，而我自己亦都唔会，同埋我会觉得我自己要谂法系，就算结咗都会离。所以如果大家系适合，就算结唔结婚都冇分别。”

被问到会否因男方太多女埋身关系？陈庭欣表示：“我觉得有啲嘢留返俾我同佢，我只能够讲大家三观唔一样。（大家有冇共同物业？）我同佢而家系冇嘅。（屋企人知唔知？）屋企人都比较迟，因为我一向都唔钟意同屋企人分享一啲佢哋会觉得唔开心嘅嘢，咁当然啦，个过程都唔会唔会特别开心啦，身边好亲密嘅朋友系一早知。（已搬离爱巢？）而家一个人住。”