《万千星辉颁奖典礼2025》“飞跃进步女艺员”结果出炉，由叶蒨文大热夺奖。今年叶蒨文因《女神配对计划》与曾展望的互动而爆红，之后更多次情侣档出骚吸金，绝对实至名归。

叶蒨文单亲家庭成长

今年33岁的叶蒨文入行9年，到今日终于被受肯定，著实不容易。她曾接受《香港01》访问时透露入行头3年相当难挨，经常开工不足户口只剩下2位数字，自责愧对家人：“其实我系单亲家庭成长，妈咪一直都俾好多鼓励我，佢知道我好钟意演戏，变咗佢从来都唔会俾压力我，亦会反过来安慰我，叫我唔使担心家庭嘅开支，佢会搞得点。但到我踏入咗30岁之后，我系会觉得内疚，会反问自己系咪应该要回馈返一啲嘢俾妈咪，有时候都会觉得自己冇用。因为妈咪系一位女强人，有时候见到佢一个人养大我哋3个小朋友，我好想好似佢咁叻。”

叶蒨文银行户口得返两位数

叶蒨文面对收入不稳定，为减少开支，会选择乘坐公共交通工具出入：“其实我而家都仲系会搭港铁返工放工，同埋我都钟意食公司两𩠌饭，因为好抵。同埋试过户口得返两位数，被妈咪知道咗之后，佢话俾钱我，但去到我咁嘅年纪我系要唔落手，最终我系拒绝咁佢冇要到。（而家收入稳定过以前？）其实都唔系好稳定，《爱回家》剧情有时写我会多啲，有时候又会写我少啲，变咗就会好直接咁影响到收入，系呢几个月好少少，都有啲广告揾我，咁所以我都好感恩，明白到呢行系少咗好多工作，明白整体个市况都唔系咁好。”