《万千星辉颁奖典礼2025》今晚（1月4日）于澳门举行。金刚、林晓峰（阿Lo）和王祖蓝任颁奖嘉宾。讲到金刚，早前他就因被传是小仪的神秘老公而成为热话。

金刚接受访问时，传媒首先开口“祝福”他新婚快乐，他回答：“恭喜小仪，系咪呀？我都估唔到点解系小仪呢？（竟然系你）我自己都好意外。”林晓峰：“点解好意外？因为俾人爆咁出嚟？”金刚：“唔系⋯⋯哈哈，好意外意思系，我真系估唔到，一早⋯⋯”林晓峰：“一早拒绝咗小仪？”金刚：“小仪话我哋系人鬼殊途，冇可能。（怎系否认愈似系）系系系，我系同小仪结婚，咁点呀？”

金刚又表示，为小仪结婚而真心感到高兴。“真系好恭喜佢，好难得佢可以揾到真爱。我都觉得佢老公好伟大，帮大家解决一件事。（解决咗咩？）解决咗一个咁好嘅人。”“女神”结婚有没有心碎？金刚又回答：“我女神系边个？”林晓峰开玩笑：“睇你个样心绪不宁咁样，人哋问你都唔知点解。好明显心都碎晒啦。”记者表示，金刚的“女神”即是小仪，他又回答：“不可能啦！”访问中，金刚透露，其实他认识小仪的老公，坦言是一个好人。