《万千星辉颁奖典礼2025》圆满结束，曾志伟获颁“万千星辉荣誉传奇”大奖，在台上他亦宣布将辞任总经理一职，结束5年任期。随后官方发布消息，曾志伟将出任新成立咨询委员会召集人。

曾志伟1月21日离任总经理

曾志伟接受访问时，神情轻松，指自己在任时想做的工作已完成得七七八八。他也透露，5年前于1月21日入职，即今个月21日就会离任，但虽然已在休假中，但仍会有固定开会时间，笑言“辞咗5次职”。

身体负荷唔到

问起请辞的原因，他自言不习惯做总经理，要在早上9点，10点开会的作息，笑言自己习惯2点才出现，及后，曾志伟又透露总经理一职繁忙。“我想去做一啲新嘅嘢，所以我就同公司同主席请辞，就话不如畀我尝试新嘅嘢。旧嘅嘢，我觉得我啲同事全部都接到棒，可能关身体负荷唔到事。呢个唔系负荷唔到，系一个习惯。其实我自己系一个好钟意，即系习惯电影嘅一个自由人。电影你钟意就拍，唔钟意咪休息吓。”

曾志伟想拍返电影

曾志伟坦言做电视与做电影不同，电视是无休止的工作，不能停下。“电视系冇得休息，你做一个好好嘅《香港小姐》，你想停呀，马上就嚟紧台庆，做完台庆你觉得好满足，马上嚟紧颁奖典礼。咁颁奖典礼就完咗，跟住又有贺岁呀，即系又要做年三十晚。咁跟住又可能又有其他嘅大型节目。根本系一个无止境。变咗你又要不断谂新嘢，你仲要谂点样可以比旧年更好。”

做清谈节目自由啲

言谈中，曾志伟自言喜欢做一个自由人，离任后可能会开一些清谈节目，就似是蔡澜一样。他也表示，身在其位做总经理不可以乱噏，但离任后就拥有较大自由度。他也表示，离任后想回归电影圈贡献，坦言已离开了5年，是时间“做返啲嘢”。

自喻系败家仔：最紧要TVB广告返哂嚟

“而家公司都同我讲，我系败家子，我唔系赚钱，我赚个节目俾佢卖广告，但系广告唔系落我袋，所以我系洗钱。我屋企系洗钱，但系我洗屋企钱，我系冇帮屋企赚到钱。最紧要系咩？最紧要大家觉得，而家TVB广告返哂嚟。点解广告返哂嚟，因为佢哋觉得喺TVB卖广告真系生意好咗好多，呢个就系最紧要嘅。即系而家讲，大家礼拜日都返屋企睇《中年好声音》。好多综艺节目大家都睇到我哋想讲乜嘢，同埋好多艺人，大家都返嚟帮手拍嘢，都系对TVB嘅肯定。”