森美今日（7日）为炎明熹（Gigi）加盟Sony Music大中华区暨新歌发布会担任司仪。森美表示看著Gigi出道，一直觉得她进步不少：“以前佢一唱嘅时候，我就觉得佢好似有种仙子嘅声音。我觉得佢过几年里面成长咗系咩呢？我开始听到佢有力量嘅表达。知佢呢段时间亦都无停落嚟练习，有啲嘢无得呃架，一听佢唱歌就知，一个咁用心嘅歌手好难得，所以希望多啲支持佢。佢啱啱唱Live嘅时候都好感动到我。”

激赞Gigi零派歌坐叱咤观众席：好难得

早前在叱咤颁奖礼上特别点名多谢Gigi即使无派歌，仍愿意出席支持，森美直言这份心态很难得，更爆料当初是Gigi方面主动询问商台有无位置，即使只能坐观众位也不介意，“我知道佢系第二年坐观众位，作为歌手当然嚟到叱咤，我哋已经好开心，有啲嚟唔到都无办法。但有一样嘢重要嘅系，你无歌、无参赛，佢都肯去坐观众席，肯嚟睇我哋，我觉得呢个心我好欣赏。”问到可看好Gigi明年能上台攞歌曲奖或歌手奖？森美笑言对Gigi歌艺有绝对信心，但每首歌都有它“命”，希望未来能再颁奖给她，“好似Stephy都等咗20几年，不过Gigi应该唔使，哈哈。”

守护小仪恋情自称“保护证人”　盛赞男方是天作之合

另外，谈到拍档小仪表示呷醋，说他现在对住新一辈DJ“收晒火”，森美笑说：“咁佢系姐姐，大过我嘛，一个大嘅要我照顾，无理由啊，所以佢照顾我。不过而家有人照顾佢啦，我戥佢高兴。”提到小仪老公，森美赞不绝口，“我知道拍拖已经一段时间，至于几耐就唔讲啦，我都话过了，要保护证人，因为真系好难得，我意思系话所有爱情都好难得。”

森美坦言与小仪另一半已经很熟络，形容对方两人是天作之合，“佢哋由开始到走埋一齐，中间同其他情侣一样，都经历好多，我亦做过和事佬，听佢哋分享感情亦有，最后能去到呢度，我系好戥佢哋开心，所以我要守护住佢哋呢段情。”谈到之前曾传金刚就是小仪的另一半，森美笑言：“要数呢啲假嘅，我都未到啊，轮到金刚？我知小仪唔会拣佢，我亦知金刚系花心嘅。”

爆小仪老公颜值高：Edan输少少

对于早前网上流传一张疑似小仪与另一半吃饭的照片，森美表示没看过照片，但抵死地说：“我只能讲以小仪呢个质素，系匹配嘅。我大胆讲一句，同Edan比，我觉得Edan是输少少，彭于晏赢少少。因为小仪都钟意呢两个。（仲有蔡一杰？）跳舞和歌艺方面，都望尘莫及。不过系靓仔，赢我嘅。”森美更笑指小仪老公起码有一样东西，赢了刚才所说的所有人就是他的品味，“佢嘅品味真是一流。（你咁多年都未品味到？）咪就系啰，如果唔系我老婆阻头阻势，可能我都会追她，我品味未够劲。”

封“史上最多”人情贺喜　催生B遭拒

问到知不知到小仪会否摆喜酒？森美称应该不会，当晚都是一班亲朋好友一起吃饭，场面很温暖，小仪没有哭，很开心，还自爆礼数做足，“其实封人情算系我史上俾得最多。（有无5位数？）黐线！系3位咁上下，佢又唔喺酒店摆，食餐饭系3位。（有指男方系好有权力或财力人士？）无咁夸张，普通人啫，同小仪一样都系好简单。”

被问到可知小仪有没有计划生BB？森美直言：“我有同佢讲架，但佢无呢个计划，但我就push佢，我话无所谓，可以谂下啰，但我听佢口风就应该唔会，佢始终钟意自己嘅小狗仔。但我呢啲属于有小朋友𠮶一派，当然想佢有。”会否传授生仔秘笈给小仪老公，森美即搞笑回应：“我惊小仪顶唔顺，我话晒生咗两件，唔系个个都顶到架。”