现年44岁的袁伟豪与张宝儿在多年前因合作拍《打工挨世界II》而挞着，两人婚后十分之恩爱幸福，而袁伟豪亦荣升“3亿驸马”。近日有网民重提2018年的一件旧事，当年袁伟豪曾对周励淇（前名：周丽淇）说过一句话：“我银包得返廿蚊，点敢追你呀？”

旧片翻hit

片段出自于周励淇的个人YouTube频道，当年两人在剧中以悲剧收场，所以当时周励淇就邀请袁伟豪担任YouTube节目嘉宾，与她拍一日拖来“再续情缘”。

重提周励淇箍牙

片中两人到一间大牌档“撑台脚”，他们一边食一边讲，气氛相当好。言谈之间，袁伟豪向镜头开玩笑道：“点解你唔问我，喺地铁见到佢箍牙个样仲追唔追佢？哈哈。”周励淇笑了笑，回答：“我箍牙又唔系做咩坏事，箍牙几靓？”袁伟豪：“我就系钟意你呢样嘢，箍牙有罪咩？”早年周励淇曾被翻找出一张箍牙时行骚的照片，多年来不时都被网民提起。

周励淇：你走去选校草又走去选港男

袁伟豪对周励淇开玩笑，而周励淇也不甘示弱，反问道：“我好奇怪你作为一个男艺人，走去选校草又走去选港男。我乜都冇选过，我同你调转咗身份。”袁伟豪：“咁你咪叻啰，乜都冇选过就可以有今日咁样。”

周励淇：点解你唔追我嘅？

之后，周励淇又问道：“喂，你讲返先啦，如果当年你会唔会追我呢？点解你唔追我嘅？系咪因为我唔够靓？”有关YouTube片段摄于2018年，两人曾于2009年《桌球天王》、2013年《好心作怪》和2016年《流氓皇帝》三度合作，当中在《桌球天王》中，周励淇已经是担任女主角的当红花旦，而袁伟豪只是港男出身，加入TVB 2年的艺人，且在剧中只饰演一名戏份不多的配角。

袁伟豪：我银包得返廿蚊，点敢追你呀？

说到这里，袁伟豪埋头吃了一口面，之后答道：“我银包得返廿蚊，点敢追你呀？咁如果我真系攞住张地铁飞，嚟同你做朋友咁样⋯⋯”周励淇回答：“可能真系得㗎。而家你钟意啲咩类型嘅女仔呀？”之后她又说：“而家佢女朋友𠮶啲型啰。（指张宝儿）”袁伟豪望着周励淇：“唔系呀，你我都钟意㗎。因为我知自己高攀唔起你先冇追你。”周励淇又问：“如果你追我会点追呢？举例啫，我知道冇可能。”

袁伟豪赞：你最叻！贴钱呢家嘢

袁伟豪笑言：“每日送一包纸巾去你屋企。”最后两人与店舖老板合照后，周励淇说：“好啦，多谢你今日做我半日男朋友，仲要贴钱请你食饭。”袁伟豪又十分大方，回答：“我都好荣幸，你最叻！贴钱呢家嘢。”