黄智雯和虾头今日（9/1）现身湾仔寿臣剧院出席舞台剧《天下无不西之闺蜜》拜神。虾头接受《香港01》访问时透露，为了今次的角色积极减磅：“即系新年一年嘅开始嘅时候，想自己有啲新嘅转变，想自己有一啲唔同嘅形象，将个戏路都想扩阔少少，最高峰轻咗成20磅，记得最重嘅时候都有150几磅㗎。其实我瘦嘅原因，就系我戒咗酒，同埋多做运动，加上戒埋食零食，所以就有咁嘅成绩。”

提到好姊妹李施嬅与车崇健最终成功复合。黄智雯表示：“我实系唔知道，因为呢排都拍剧所以冇留意到啲新闻，同埋我哋都真系有一段时间真系冇见嘅。对上一次见已经系喺胡杏儿生日嘅时候，其实都知佢好忙，我都有问佢哋嚟唔嚟到我舞台剧，希望佢可以嚟到啦。”

问及他们之前相处已出现问题，有否分享心事时，黄智雯表示：“其实有时我哋聚会倾偈，因为实在太难得，所以基本上我哋都系倾返自己啲开心嘢，变咗就少讲感情嘅嘢。同埋我觉得施嬅个人只系会报喜不报忧嘅人，所以佢喺我哋姊妹𠮶度只会分享一啲开心嘅嘢，又或者工作上面嘅嘢，变咗感情事相对系比较少同我哋讲。”

问及当时他们分手的时候，知否她不开心？黄智雯表示：“分手𠮶段时间，佢应该𠮶段时间就系最忙𠮶段时间，我记得应该系。因为佢有一段时间唔喺香港，其实我哋真系同新闻同步先知道佢哋原来分开咗，咁当然我哋一路都喺个group度支持大家。”问到有否与车崇健相处过？黄智雯说：“有见过。（系咪咁系大男人？）其实我哋一班出去食饭，咁又冇话好多互动，不过大家都开心出嚟食餐饭。（有冇见过同场闹交？）咁又冇㖞。”