早前宏福苑大火，Tyson Yoshi联同合作伙伴捐出价值港币100万元的家电，帮忙受灾居民，又呼吁有意帮忙的厂商或品牌联络他们，大家共同协助，帮灾民渡过难关。不过早前有灾民的家属因未能取得所需电器，在社交网上的私讯中表达不满，并要胁报《东张西望》，事件随即引起关注。

俞可程：要畀个机会佢解释

今日（10/1）几位“东张女神”梁敏巧、俞可程和王汛文出席《慈善星辉仁济夜》记者会。“师姐”梁敏巧表示并不知情，但会向幕后工作人员“八挂”一下，她又说：“通常都系老细睇，我哋都系跟order做嘢。佢要我哋冲击就冲击，打电话就打电话，问回应就问回应。”俞可程则说：“我喺度谂，佢哋（幕后）会唔会攞到Tyson Yoshi电话，或者佢嘅行踪畀我哋追击。我哋《东张》都系中立，都要畀个机会佢解释。”王汛文：“如果我可以拣case，一定要拣呢一单。如果有机会，我都想访问吓Tyson Yoshi。”

“东张女神”争住做

大家都是想访问Tyson Yoshi？梁敏巧回答：“其实都系想见到佢，哈哈。”其实只是想公器私用？王汛文：“少少啦，少少啦。”梁敏巧：“摆明啦，如果真系做到。讲到尾，其实大家都系善心，个出发点都系有善嘅。”