戴祖仪昨日（11/1）出席新剧《非常检控观》宣传活动。她接受《香港01》访问时表示，剧中她饰演一名大学生，令她回忆起多年前自己在学时的时光。“人哋话要珍惜读书嘅时光，因为𠮶时系最快乐，最无忧无虑，𠮶时唔知，真系出嚟做嘢一段时间先发现，原来读书嘅时候真系好开心。读书时唯一烦恼就系考试同食乜嘢好。”

跟麦玲玲吃喝玩乐

谈及近日的节目《寻欢作乐的姐姐》，她直言跟着麦玲玲师傅十分幸福快乐：“成个过程好多笑弹，讲嘢冇乜避忌，可以随心而行，好多火花。（你呢个系长腿小队，当然玲玲姐有其他优秀）玲玲姐嘅优势喺其他地方度，包括佢嘅人脉，带我哋去嘅地方同餐厅，令我哋行程丰富咗好多。”

戴祖仪：玲玲姐惊我哋被比下去

记者提到玲玲姐身材也是优势，戴祖仪回非常赞同：“冇错！唔需要讲，大家都知玲玲姐身材好好㗎！唔需要特别讲，讲出嚟就多咗啦！”节目中，有一幕众人一齐出海游船河，三位都穿着泳衣亮相，但唯独是麦玲玲师傅穿着正装。问到为什么麦玲玲师傅不“跟大队”穿泳衣，戴祖仪就回答：“惊我哋被比下去，如果佢着泳装，我哋好似唔存在咁。佢为咗节目牺牲自己，好伟大呀！”《寻欢作乐的姐姐》节目被调早，有网民指是因为广深篇更受欢迎，所以才有此安排。戴祖仪表示，觉得公司有改变是好事，更言睇完《非常检控观》再睇《寻欢作乐的姐姐》也是非常好的娱乐。