前无线资深演员“Benz雄”许绍雄去年10月底不敌癌魔病世，其独生女许惠菁（Charmaine）面对父亲的离世感到莫名的悲痛，经过两个月的沉淀后，重新振作展开新生活。不过昨日（12日）许惠菁突然在社交平台发文指其爱犬离世，令她再度陷入伤痛之中。

心情沉重出席活动

今日（13/1）许惠菁带着沉重心情现身青衣出席活动，她接受《香港01》访问时表示：“其实我哋每年屋企人都一齐过新年，但老实讲第一个节日系圣诞节，第一个节日佢唔喺度，咁所以都冇乜心情想庆祝，但好感恩有一班朋友系会过嚟屋企陪我哋，有家姐（佘诗曼）包哥哥（麦包）芷珊姐姐（黎芷珊）等，家姐系陪咗我好耐，我知佢都好忙，平时都佢都会WhatsApp，好感恩身边有咁多好朋友陪伴。虽然爸爸唔喺度，就当佢去咗开工，因为佢唔系第一次新年唔系同我哋一齐过。”

许惠菁多次梦见过父亲

许惠菁又透露梦见过父亲：“发梦见过佢几次嘅，但好多时都比较模糊，冇咩特别，但我好希望佢多啲同我讲嘢，虽然佢冇同我讲嘢，但佢俾我嘅感觉佢系开心同搞笑嘅，同平时一样嘅。咁所以希望佢而家都开开心心。”许惠菁坦言有时候难免好触景伤情，不自禁落泪：“可能因为行过唔知边度见到之前同爹哋一齐做过嘅嘢啦 ，或者有啲嘢系爹哋中意食嘅嘢，好难避免唔到，会勾起爹哋一齐嘅回忆，情绪就会嚟了，但就会尽量控制自己。”