黄翠如与萧正楠的爱情结晶品“萧哈哈”去年3月诞生，自此二人沉浸于一起凑仔的家庭乐，亦不忘在社交平台分享日常逗趣的生活照，一家三口幸福满满。今日（13/1）萧正楠现身青衣出席活动，接受《香港01》访问时表示：“而家囝囝佢好得意，佢如果想玩嘅时候就会揾我，到佢想食嘢又或者想氹瞓，佢就会揾佢妈咪，佢而家系会识拣。”

萧正楠透露新一年未有剧拍

提到新一年无线工作安排，萧正楠表示暂时未有：“记得3月份我会有个节目会上，系一个澳大利亚旅游节目，呢个系旧年年尾拍落。至于拍剧方面，就冇安排。而我就帮自己安排做紧新歌，希望新嘅一年会有一啲新歌出嚟，自己录完新歌都几开心，始终bb出咗世之后，身份唔同咗，因为把声唔系以前咁。”

萧正楠转战歌坛另觅出路

被问到是否见制作减少，而向歌手发展？萧正楠表示：“我谂大家都应该帮自己嘅工作，揾一个适合自己嘅工作方向，而自己本身都系唱歌出身，变咗而家唱歌就唔系重新揾一个新方向，而我觉得既然自己都唱返歌，希望有一个新嘅感觉俾大家，同埋我觉得我哋系比较系要机遇，唔系遇返嚟，好多嘢唔系话我哋想发生，要拍就有得拍，我哋要唱歌就有唱歌，系𠮶个机遇到咗，咁而家呢个机遇系话俾我听需要唱歌，我咪向呢个方向发展。”