许靖韵前男友、“全民造星”参赛者歌手“狗毛”罗启聪，近日涉嫌参与制毒及贩毒被捕，案件已于观塘裁判法院首度提堂并押后再讯。警方在元朗捣破怀疑制毒工场及储存仓，检获总值逾七百万元毒品，罗启聪与另外两名男女同被起诉危险药物相关罪行。

许靖韵与罗启聪没有联络

许靖韵今日（13/1）现身港台出席节目《中华知识王2》录影。对于前男友罗启聪涉嫌贩毒被捕，许靖韵接受《香港01》访问时表示：“其实我同佢分咗手都好耐，你问我有咩感受，我真系冇，因为太耐。（分咗手都系朋友！）分咗手都冇乜点联络。（话晒都系前度，唔会有疑问佢点解贩毒？）哗，我真系完全唔知。”

许靖韵与罗启聪分手超过十年

被问到拍拖时，对方经济已有困难？许靖韵表示：“太耐时间唔记得。不过其实知道咗佢出咗事之后，我系冇带任何情绪，就系好似睇一篇报道咁样，因为同佢认识实在太耐，所以好多嘢都唔记得晒。（同佢相处佢为人系点？）都太模糊，（同佢拍咗几耐拖？）其实报道话我哋拍咗3年拖，我记得系冇咁长。（分咗手几耐？）其实我唔系好记得，但其实都有十年嘅时间。（佢有冇兄弟姊妹？）有嘅。（佢系家中经济支柱？）我真系唔知，实在太耐。同埋我亦唔知佢而家嘅经济状况。（分手后有冇联络？）冇联络。”