李龙基与王青霞的感情，近日随著女方被爆在佛山早有老公而正式告一段落。二人拍拖之初被形容为“爷孙恋”，指男方贪女方后生、女方又贪男方的钱，更盛传李龙基将七层物业全过户给王青霞。2024年1月，二人接受《01娱乐》专访，称王青霞街头遇袭，小巴上有人对她说：“贱人，呕返七层楼出嚟，唔好再呃李龙基。”后一脚伸跌她，使她周身伤；李龙基在访问中强调：“我而家好老实咁讲，我从来冇讲过话我将七层楼畀咗佢，我从来冇讲过，系佢哋唔知喺边度收到风返嚟。”

网民对比2021及2024受访片段　质疑“七层楼”说法前后矛盾

基哥当时的说法是：“我事实系以前买咗好多楼，但系因为我要同佢喺埋一齐，我同我前妻离婚，我将所有嘢俾晒佢（前妻），所有楼、车位，全部过户，可能有呢啲小小嘅渊源出咗嚟，啲人以为佢收咗七层楼。但系我亦都费事去澄清，佢同我唔介意咪得啰，但系最近发生呢件事，我觉得真系有必要澄清一下。若然再系咁落去，分分钟有啲比较激烈嘅粉丝，唔知会做乜嘢，所以我一定要讲清楚。”不过日前有人剪辑一段李龙基2021年接受《明周娱乐》专访的片段，片中他说道：“到时搞咩手续唔好喇，写晒畀佢啦。（记者：全部物业写晒畀佢？）系，当然我亦都对佢好有信心，佢一定会睇住我。”网民对比基哥在两个访问的说法，指他前后矛盾，是“伪人”。

解释访问沟通有误会　下意识答“过晒畀老婆”实指前妻

不过基哥日前就向《01娱乐》澄清，坚持自己没讲过将七层楼过户予王青霞，纯粹是与记者沟通理解上有误会：“呢一条视频呢，我完全冇讲过话将七层楼送咗俾王青霞，完全冇提及过王青霞。之不过未接受访问之前，主持就问过我𠮶七层楼点打算嘅，我就话俾佢听，我七层楼呢已经写咗俾我前妻㗎喇，呢个系未做访问前。不过佢访问𠮶时，佢忽然咁问系咪写过晒佢户口啊？过晒我老婆个户口啊，咁我下意识‘我老婆’就一定我前妻啦，所以我咪话，系呀我过晒俾佢㗎啦，因为做我哋呢一行分分钟有意外㗎啦嘛，费事第日𠮶啲手续咁麻烦，所以我先至话过晒俾佢（前妻），相信就系咁样，所以就俾人误会话我将呢七层楼送晒俾王青霞。”

记者翻查片中旁述全指王青霞　基哥坦承答法易惹误会

《01娱乐》记者再翻看足本的《明周娱乐》访问，旁述一直以“李太”称呼王青霞，指她年轻有才华，指：“李太Chris不但画功了得，更加系飞机工程师……”记者再问：“你啲楼全部写太太名下？”李龙基便说出后来被节录的一段：“因为点解呢，我感觉我年纪咁大，其实我大佢好多，同埋仲有一个问题，做我哋呢行成日飞来飞去，真系好易有意外发生，到时搞咩手续就唔好喇，写晒畀佢啦。（记者：全部物业写晒畀佢？）系，当然我亦都对佢好有信心，佢一定会睇住我。”片段再播出王青霞的片段，片中记者再问：“佢好叻女㖞，本人系飞机工程师？”基哥再回答是，指二人志趣相投。《01娱乐》记者向基哥查问，指《明周娱乐》整段片，都确实会令人认为从头到尾他所讲的都是王青霞，并不牵涉前妻，他亦无奈表示：“我都有同感！唉，算啦，都过咗咁耐，让他过去吧！”

受访有问必答　再重申七层楼风波：完全冇提过王青霞呢三个字

而昨日（12日）李龙基出席活动时接受记者访问，30分钟有问必答，期间亦再回应“七层楼”事件，重申沟通有误之说：“唔系，你睇清楚𠮶条视频，完全冇提过王青霞呢三个字。点解你有呢个事实出嚟，因为𠮶次主持问我，但系未接受访问之前，其实我同佢倾过偈，佢同我倾，话你啲物业点解唔写我以前前妻个名，咁我就同佢讲，前面𠮶段佢冇讲出嚟，我就话因为我嘅职业成日飞来飞去好危险，唔知边日大吉利是，有啲咩事，到时搞手续好烦，所以我全部过晒佢个名，你睇系咪呢句呢？其实《东周刊》以前都问过我，如果你摷返《东周刊》，其实我同边个我都系讲同一句嘢，因为我嘅职业，有时飞去呢度𠮶度，唔知有咩事发生，我都系讲同一样嘢。所以当日访问，佢问我系咪过晒俾太太，我下意识就话‘系呀，我全部过晒佢名。’你睇清楚，我完全冇讲过话我过晒落王青霞嘅名，咁佢就攞𠮶一段出嚟，话我过咗落王青霞度。”他强调七层楼是过畀前妻，并说：“王青霞都知道我系净身出户，点会写畀佢？”

吁消除老屈文化　对“提款基”称号：我冇伤害你，人哋提我款啫

至于有网民指他由“提款基”变“计算基”，质疑他机关算尽，现时可以全身而退，甚至怀疑是他报入境处令女方被捕等，基哥早前为了自证清白，首次披露自己其实与王青霞一同被捕，更守行为两年，期间需每隔三个月去报到。对于种种称号，他看得淡然，指明白社会揾食艰难，自己都开心有很多网友因为他而揾到钱，除了有过火言论指他“淫人妻女、贱男、渣男、明知人哋系人哋嘅老婆都要玩人老婆”等太冇良心外，他基本上都没有太在意，但就强调应消除“老屈文化”，他说：“就算我系‘提款基’，我冇伤害你，人哋提我款啫，冇嘢㗎，点解令到自己咁唔开心？我相信唔止一个，网上面有人话‘提款基，我见到你就嬲！’冇意思，呢啲靠屈文化应该要清除。”