容祖儿、Stephy邓丽欣、MIRROR成员陈卓贤、柯炜林、王丹妮、朱鉴然及胡子彤等昨日（16日）于铜锣湾出席品牌专门店开幕活动，以品牌时装及手袋配饰亮相，吸引现场数百粉丝围观。刚从西藏旅游返港的Stephy，透露男友今次未有同行，仅与朋友享受旅程，却表示惊觉自己年龄大：“今次比之前去嘅时候，高原反应大咗！返嚟都未适应返咁多空气，所以有少少醉氧、容易眼瞓！以前唔知系咪后生啲，冇乜嘢㗎，跑嚟跑去都冇问题；但依家行得快少少都唔掂！”

邓丽欣盼“九饼”重聚舞台　叹难成事：上次已经搞到元气大伤

邓丽欣透露今年工作计划甚多，涵盖音乐、电影等类型，发觉最近时间过得特别快：“眨下眼红馆演唱会已经一年喇！”提及早前首次夺得叱咤乐坛颁奖典礼“我最喜爱女歌手”奖，Stephy表示听到支持自己的家人朋友及粉丝所讲的说话，不禁毛管戙：“要多谢嘅人实在太多喇！唔止系近几年工作嘅人，以前一路陪住我嘅人都好重要！”至于当年出道不久一同夺得新人奖的Cookies姊妹们，Stephy笑言经常回忆当年的岁月：“唔可以话辛酸嘅，我觉得有甜有苦啰！好庆幸自己组合出道，如果我嘅性格一开始一个人出道，我觉得冇办法，要身边嘅人支持、陪住我行嘅人其实好重要！”

不少邓丽欣粉丝希望再见到“九饼”重聚，Stephy表示知道为粉丝多年心愿，但亦叹指：“其实上次红馆已经想咁做，知道系佢哋心愿，想送呢份礼物畀一路支持我哋嘅人。但上次已经搞到元气大伤，好难好难！”Stephy表示日前与Kary吴雨霏见面，亦有讨论相同话题：“唉，我好明白佢，对呢件事又爱又恨，想出嚟，但作为三个小朋友嘅妈咪，真系好难分身！”

大赞方力申爱女似足爸爸

邓丽欣前度方力申早前诞女，Stephy大赞Isla似足爸爸：“好似佢呀！好搞笑、真系好似佢！”