近日网民在小红书贴出古佩玲学生时期MV《Dreamer》片段及中学旧照，片中她脸型较阔、鼻梁扁平，与现时精致五官判若两人，迅速疯传网络。

除了样貌被质疑“后天加工”，更有自称是古佩玲中学同学家属的网民爆料，指她当年为了铺路选港姐，竟然勒令同学删除所有她的旧照！网民留言指：“他与我的妹妹是中学同学，中学毕业的时候要求大家删除她的相”。甚至有人表示，几年前一位 YouTuber 上载这段《Dreamer》影片后，疑被投诉而遭下架。古佩玲曾解释外貌变化源于年龄增长、减重及化妆技巧，但旧片流出令传闻再起波澜。

参选2019年同届港姐梁敏巧今晚（17/1）现身电视城出席《慈善星辉仁济夜》节目直播，就事件接受《香港01》访问时表示：“我觉得女仔想变靓做医美都好正常，用啲仪器碌吓块面等块面去吓水肿都好正常，我都有去美容院㗎。（接唔接受到整容？）我觉得女仔自己开心就冇问题。我觉得整容都系自己嘅事嚟，人哋钟意点讲就点讲，变咗最紧要自己开心。（如果自己有整容，会唔会大方承认？）如果有整咪认啰，咁所以如果有人问我会认啰。”

问到有否看到古佩玲最近出土的《Dreamer》旧影片，外貌判若两人。梁敏巧笑言：“我冇睇。（当年选美相比现在有否进化？）佢不嬲都咁靓，如果唔系就选唔到港姐季军。（有冇觉得佢愈变愈靓？）我觉得佢系更加靓，因为佢化妆进步咗好多，所以靓咗好多。（咁你有请教佢？）咁你有冇觉得我靓咗，啲网民都话我整容㗎。其实我都系化妆技巧啫。同埋佢有叫我做多啲运动，同饮食方面。（佢有冇介绍医美医生俾你？）都冇特别，都系讲吓啲化妆品。（觉唔觉得佢整容？）咁又唔似，我觉得佢好靓。（你判断唔到？）我冇睇，所以唔识判断。（如果一个人真系整容识唔识分辨？）唔识。”