入行超过50年的贾思乐（Louie）今年情人节将会再开骚，举行《Happy Together Again 2026 in Concert》，HOYTV 主播Angela俞咏文就请来主人翁和永远的靖哥哥黄日华一齐畅谈开心事。

因为老婆一句黄日华力撑好友

谈到上一次合作，二人是合演舞台剧，今次莫非Louie会和黄日华一起合唱？Louie笑言请不起：“要华哥开金口好贵㗎！不过我哋系讲心唔讲金！佢不嬲都系一个好有义气嘅人，从来都唔会托手踭！”

贾思乐大爆当年瘀事

而讲到演唱会将会在浪漫情人节后一日举行，黄日华就表示自己并不是一个浪漫的人：“当年我老婆成日都投诉我唔够浪漫，嚟嚟去去都系𠮶几招，都系送99朵玫瑰之类，佢收到就会好开心！同埋我冇咁多时间去构思乜嘢惊喜嘅party呀！贾翁就浪漫好多喇！”Louie接著说认同：“我唔可以用劲嚟形容，我系好浪漫，不过出到嚟嘅效果就好唔浪漫！系乌龙啰！我曾经喺情人节，约狄宝娜摩亚去五星级酒店食烛光晚餐，点知就将成半支茄汁，唧落佢嘅高踭鞋𠮶度！越抹就越核突！尴尬到死啰！”

黄日华高EQ回应失业传闻

对于近期有报导指黄日华失业，他表示已经百毒不侵：“我完全唔介意啰！都去到炉火纯青嘅阶段，都辛苦咗几十年啰，系应该退落嚟㗎啦！做返自己钟意做嘅嘢，前半生我都稍为有啲成绩，贡献畀各大观众，后半生嘅时间就留返畀自己啦！你好难去确定每个人都会钟意你，而家网上面嘅言论更加离谱，大家讲嘢无需要负责任嘅！所以唔需要太过介怀，太过理会佢哋讲乜嘢，最紧要做好自己！”

Louie亦深表认同：“好彩我唔识睇中文啦！其他朋友又惊我唔开心，可能唔会讲畀我听，但系做咗呢行50几年，点会冇经历过唔开心嘅事情呀！但系吃得苦中苦......下一句系......唔会颈渴？哈哈哈！总之就系做得呢一行，开心同唔开心都要接受批评！如果系有建设性嘅批评，我绝对接受，其他就唔会理㗎喇！”