【陈百祥身家/邓兆尊身家/张国荣】现年75岁的陈百祥（叻哥）日前（22/1）出席《保良局周年慈善餐舞会》，受访期间，阿叻除了大谈昔日与“哥哥”张国荣（Leslie）的相处点滴，更在谈及身家话题时，连环爆金句，直指邓兆尊“靠运”，更豪言自己买法拉利“唔睇价钱”，买楼唔睇价钱！

75岁自认“后生仔”　脚伤属碎料

陈百祥（叻哥）一向魄力惊人，他接受《香港01》访问状态极好！有记者问及脚伤时，他轻松表示只是踢波时“膝头撞膝头”的皮外伤，更笑言：“唉，我哋呢啲后生仔，成日受伤，好普通啫！年纪大咗就唔得，但我哋呢啲后生仔冇事嘅！”

亲证张国荣豪爽赠鱼

近日叻哥上载的一条新片引起讨论，阿叻在访问中亲自证实确有其事。回忆起与哥哥的往事，阿叻指当年哥哥对他极好，曾邀请他和谭咏麟（阿伦）到家中饮奶茶、食饼。当时哥哥见阿叻赞赏其鱼缸，竟豪爽地说：“系呀？送晒畀你啰！” 结果真的将二、三十条名贵锦鲤连大鱼缸送给阿叻，足见哥哥为人豪爽。陈百祥爆梁朝伟求白龙王为父医病　竟续命三年：见孙儿出世便去世

哥哥太温柔似女仔

不过，一向敢言的叻哥，谈及对哥哥的印象时亦直肠直肚。他形容与哥哥拍戏时，觉得对方“太温柔”，甚至直言：“佢对我嚟讲我觉得佢好似女仔，我要好似锡住佢咁样。”叻哥指相比起好友阿伦及阿B（钟镇涛）的阳刚气，哥哥思维较为阴柔，但他强调哥哥聪明绝顶。当年亦未见对方有任何情绪问题：“冇，一点问题都冇。其实佢由头到尾都冇嘢。我觉得佢都……几开心嘅。但系个人情绪，会有唔同嘅时间有唔同起伏㗎嘛。呢样我就无乜研究。”

买股必升十倍拒买TVB

访问中，叻哥提到自己投资了得，或者是“够运”，买股票都升十倍八倍。《香港01》记者问他有没有买TVB股票，他回答：“我买亲啲股票起码升十倍八倍㖞。（有冇叫你帮手？）梗系唔驶我帮手，咁大个机构。佢哋会有自主㗎啦。我不过系爱之深，恨之切，就前𠮶排讲啲咁嘅激励下佢哋啫。因为我冇睇佢条数嘛，我边得闲睇佢条数，我睇都睇自己条数啦，系咪？”他又表示，现时很多人邀请他直播带货：“我哋系咁意直播，企喺度噏四五句就有八位数字，天文数字，系个天畀你。”

豪言钱系空气　25岁后从未问银行借钱

问起他的身家，他又语出惊人：“我好早稳够㖞呢样嘢。我唔系为钱做㗎㖞。我系为新嘅行业，为我嘅兴趣去做。难听啲，我93年几间公司上市，你哋成日话我破产，我其实25岁破过一次产啫。我其他所有都赚嘅。就算是东方魅力，我由大家集资千几万，我做到三十几亿市值呀。你觉得我会唔会揾到钱呀？系咪？咁我从来我买楼买乜，我都唔使……我由25岁之后未问银行借过一毫子。咁所以，钱对我嚟讲系空气嚟嘅。冇，就一定死；多咗睇唔到嘅。（买楼唔睇价钱？）钟意咪买，对我哋嚟讲唔系一个问题。”邓兆尊被封“最成功二世祖”　网传15亿身家躺平“赚”到17亿？

自爆缺钱即去马会“提款”

有报道表示他的住宅值一亿五千万。他又说：“五千尺啫，系咪五千万我唔知。（一亿）第一，我唔炒地产嘅。我唔理啲价钱系几多嘅，因为我自住。我从来唔炒地产，我净系炒股票。我冇钱，我去马会攞。我又唔使问银行借，呢个系我嘅优点，冇人可以做到我咁，OK？”

狠批邓兆尊：佢靠老窦叻！

记者提及，邓兆尊被传有17亿，叻哥身家与之相比之下，谁人较多？他又回答：“我从来唔知我财产几多，我食软饭嘅。啲钱冚嘭唥喺黄杏秀（叻哥太太）度，我唔知自己有几多钱，你问佢。但系我总之有求必应，我买乜做乜，我买林宝坚尼好，我买法拉利好，买楼好，我唔睇几多钱。我净系叫佢畀。嗱，邓兆尊系养三个，佢（太太黄杏秀）系养我一个，掉转嘅。邓兆尊系因为老窦叻先有咁多，唔系因为佢叻有几多。我、谭咏麟、曾志伟，自己揾㗎。我哋有能力。喂，佢讲佢几多身家冇用，我出嚟几个钟，佢话佢几十万有人请佢。有无人请过邓兆尊做直播？我做直播系八位数字㗎。系我唔做，我听日又去啦。即系我钟意做，我就做，我唔做，所以我一年做一次都够㗎。根本两样嘢嚟。我哋系 Creative㗎嘛。”