李龙基（基哥）与王青霞（Chris）的恋情，随著YouTuber“导游哥哥”Hugo踢爆王青霞早在内地结婚、有个16岁儿子后，便正式告一段落。不过是非仍然没完没了，“导游哥哥”继续狙击，更声称掌握关键证据，质疑李龙基与第二任内地太太原来一直未离婚，直斥基哥为“失德基”，根本无心迎娶王青霞。这位YouTuber向观众展示一份疑是婚姻状态的截图，相中显示男方姓名为“李浩基”，女方为卓X霞，指两人于1998年3月12日办理结婚，业务状态清楚列明为“办结”，代表两人的婚姻关系至今在内地依然有效。
“导游哥哥”指李龙基本名便是李浩基，此事令一向横眉冷对千夫指的基哥不得不为自己发声，他向《01娱乐》展示自己的身份证，以及在香港律师行与卓海霞办妥离婚手续的证据，详尽交代婚姻状况、披露前妻得知自己上新闻后的对话内容，同时亦回应被指“报警拉王青霞推她一个人去坐监”、“以自己名气利诱内地年轻女子换香港身份证”、“王青霞入狱时未曾探望”等指控。

展示身份证及法院文件　力证本名“李洪基”非“李浩基”

访问当日，李龙基先后亮出自己的香港身份证，以及香港政府家事法庭登记处证明已颁布“绝对离婚令”的信件、区域法院将暂准离婚令转为绝对离婚令的证明书。身份证和法院文件上，皆写著李龙基的本名“李洪基 Li 
Hung Kay”，他指“李龙基”这个艺名是1975至1976年初入行时，由经理人所取的艺名，但身份证则自出生以来都沿用“李洪基”，他在访问开始劈头第一句已强调：“李浩基呢个名我从来未听过，我自己亦都从来未用过李浩基呢个名。”

公开绝对离婚令反击　证实2019年与前妻卓海霞已解除婚约

在香港政府家事法庭登记处发出的文件中，写上“有关婚姻诉讼FCMC2019年第4399号：按照香港法例179A章婚姻诉讼规则第66条的规定，本人现随信附上有关案件的绝对离婚令的副本一份给你，而正本则已存入档。”副本除寄给李龙基外，亦有寄予邓兆驹律师事务所位于旺角的办公室。而区域法院将暂准离婚令转为绝对离婚令的证明书上，则写住“关于2019年10月17日在此宗诉讼中作出的判令，判定除非自判令作出之时起计六星期内，有人向法院提出上述判令不应转为绝对判令的充分因由，否则呈请人卓海霞与答辩人李洪基于1998年3月12日在中华人民共和国广东省海丰县人民政府举行婚礼的婚姻即须予解除，鉴于无人提出该等因由，现证明上述判令已于2019年12月4日转为最后及绝对的判令，而上述婚姻亦已据此解除。”证明书上的日期为2019年12月5日，下款为时任司法常务官邝卓宏，亦盖上了区域法院的红色印章。基哥拿出有力证据，隔空寸爆“导游哥哥”：“不能造假！嗱，好真实㗎！唔同有啲人，就咁样做𠮶张假嘅出嚟讲嘢。”

狠斥伪造文件者卑鄙　讽导游哥哥似患癌随时变“仙游哥哥”

YouTuber“导游哥哥”在频道公开的“未离婚证明”中，虽然男方身份证号码、结婚日期、女方姓名与基哥及卓海霞吻合，但写的男方姓名却是“李浩基”，使基哥狠斥“导游哥哥”为呃课金、流量伪造文件，他指不介意“提款基”等称号，但对于对方称他为“失德基”，他反驳：“我李龙基，我入咗行40几年，我到今时今日我仲可以企喺人哋面前，堂堂正正，系因为咩呢？我从来唔系好似你口咁讲，咁失德，若然我真系咁失德，一早冇咗。因为喺呢行里面，老实讲声誉好紧要，所以我今日请你哋嚟澄清，都系为咗呢一点，我唔可以俾佢咁样用一张假嘅文书嚟破坏我嘅声誉。”言谈间他拒称对方为“导游哥哥”，只叫他“导游Dee Dee”，又指从直播中听其声线，感觉到与自己一位因鼻咽癌过世的朋友相似，基哥说：“病向浅中医，如果唔系第时唔系导游哥哥，系‘仙游哥哥’㗎喇。”

导游哥哥称文件有身份证号码难造假　李龙基：即系国内民政局造假？

导游哥哥指自己取得的文件中，有李龙基的身份证号码，并与基哥在传媒面前不慎曝光的号码相同，反问若然文件是伪造，何以他会连基哥的身份证号码都有，一直认为对方“内里有人”的基哥回应：“若然系咁，佢即系讲国内嘅民政局造假啦？若然唔系佢造假嘅话，咁就系国内民政局造假，或者疏忽，有冇咁嘅可能？回乡证、身份证，都系写李洪基，从来冇出现过李浩基呢个名，咁你即系指责国内嘅政府、机关部门造假或者疏忽喇㖞，呢个罪名好大㗎㖞！（记者：即系佢哋疏忽令到你嘅身份证号码流出咗，或者俾人可以用一啲途径取得，系咪咁嘅意思？）我相信都系，不过咁，佢都好神通广大嘅，又知道我几时几时同第二任太太结婚，我第二任太太个名佢又知，我相信佢一定系内里有人。”

推测对方不敢用真名造假　直指维基资料曾被乱改

记者续问，既然要伪造，对方何不写“李洪基”或“李龙基”，为何要用上“李浩基”这个名字，基哥推断：“我都唔明呀，呢个我唔敢乱估计，好可能……照我嘅猜测，就系佢唔可以攞真𠮶份文件出嚟，只不过佢内面有人，睇完之后，话‘系呀系呀，1998年，呢个卓海霞、李龙基。’但系我猜测，佢喺维基百科𠮶度，话李龙基嘅真名叫做李浩基，所以佢就做咗张咁嘅嘢出嚟，若果唔系，若然攞个真嘅出嚟，有乜可能系‘李浩基’？开玩笑！”记者过往工作时曾于网上搜寻李龙基资料，维基百科上一直显示其本名为“李洪基”，直至近日方才变成“李浩基”，不排除被人修改，基哥指维基上也曾有人写上其错误的出生年份，资料经常有误，不过这次引伸成伪造文件，他就表示：“呢次佢踩正蕉皮喇！”

循法律途径追究起底行为　劝喻对方观众勿中计胡乱投诉

对于证件号码等个人资料被导游哥哥公开人前，李龙基直言会循法律途径追究：“我会！我今日先至喺国内啱啱返嚟，国内有位朋友佢识得好多律师，我将呢件嘢原原本本咁讲畀佢听，叫佢复述畀呢个律师听，睇吓可以取一个咩相对嘅行动，因为事实系太离谱，将我哋所有咁私人嘅嘢，暴露于人前，公开暴露，而家差不多全世界人知道我身份证Number，知我前妻嘅身份证Number，呢个罪行真系唔少，所以一定要追究！”

除了声誉受损外，基哥不讳言两年间种种攻击，亦使他失去了内地的演出机会，以往他在中山一带常常开演唱会，但后来有办理演唱会的人员跟他说，基哥近来风评不太好，还是迟些再开。基哥重申自己并非“失德艺人”，更劝喻导游哥哥的支持者切勿中计去投诉自己：“我冇犯过任何罪，仲有，呢位咁嘅Hugo Dee Dee，佢呼召𠮶啲网民，一齐去大陆投诉李龙基失德，居然卑鄙到做咁嘅嘢，自己做一份假嘅嘢出嚟，将个罪名塞畀我，话我未离婚，咁就去追人哋、想结婚，就话我失德。缺德嘅系你，唔系我！小弟弟，真系好缺德，为咗揾钱啫，你咁样讲，讲完都无所谓，但系话号召呀，号召佢𠮶啲观众、听众，入去国内投诉李龙基，去民政处，如果网民睇完我呢个视频，我都劝吓你，而家投诉系要实名登记嘅，唔系话我投诉边个边个就可以成事，𠮶个人衰咗，你系边个？你攞咩证据？而家人哋问你点解投诉佢，冇，因为佢攞住呢张假嘅文书，Hugo哥哥，你仲大镬呀！我好粗鄙㗎，你真系好大镬呀！”

拒与YouTuber当面对质　不欲上当被利用作提升名气工具

导游哥哥日前在自己的平台否认“呃课金”，更开出“请李龙基饮餐茶”的Offer，指想相约李龙基在传媒见证下当面对质，基哥二话不说便拒绝：“我点会上佢当呢？佢系咩人物？佢系咩人？李龙基呢个名，渣渣地都有咁多人认识，我行出去，有好多人都认识边个叫李龙基。‘导游哥哥’？边个嚟㗎？佢自己个样都唔敢畀人睇，心虚啰，仲话同我对质？当面出嚟，揾记者，咁又系，大大提升佢嘅声誉啰，输咗都好，人哋认识佢，系咪先？有时呢啲叫负面宣传。”

认曾有两段婚姻　前妻卓海霞为人低调反对公开离婚文件

李龙基坦承自己一生中有过两段婚姻，于21岁时娶了第一任太太，育有三个仔女，分别是大女、次子及细女，他说：“我21岁结婚，好丑咁讲句，什么是女性𠮶时我都唔知，后生，你知冲动，佢话‘结婚啰！’咁咪结婚啰，𠮶阵时都真系唔识得珍惜，咁就玩完。”婚姻约十多年便终结，他单身年几两年后，便认识了第二任太太，拍拖几年后在1998年结婚，2019年离婚。卓海霞比李龙基年轻二十多年，网上有消息指二人相交时女方未成年，他说：“结婚𠮶阵佢过咗18岁㗎喇，一定要过咗18岁，叫做合婚年龄先可以结婚。”他否认与卓海霞因“钱”而交往及结婚，“我同佢都有维持咗廿几年，咁如果净系为咗钱嘅话，冇理由20几年吖？一早就嗱嗱声𠮶几年擸咗钱就走人啦。”

基哥近日因此事与身处内地的卓海霞重新联络，女方为人低调，故十分反对他向传媒公开离婚文件，“佢今日仲有WhatsApp我，话我唔想见到任何我嘅名喺咩地方俾人利用，虢砾缂嘞。”基哥坦言自己是迫于无奈才要在传媒面前公开离婚文件，“今时今日我冇办法，若然我再唔拎出嚟，咁就中晒㗎啦，入晒㗎喇俾佢（导游哥哥）！”基哥盼望前妻见谅，又对镜头说：“我喺度再解释，我唔系有心摆你上去，而系呢个事情逼到我唔可能唔出嚟澄清，否则有好多呢啲网民‘哗，李龙基！老奸巨猾、老谋深算……”

否认离婚涉争拗　净身出户转让八层楼予前妻

离婚书上写住“婚姻诉讼”四字，有网民怀疑他与前妻卓海霞并非和平分开，基哥亲自解释：“冇，冇任何争拗，我只不过，离婚喇，好，我而家乜嘢都俾晒你啦，我话我斗零都唔攞个走，所以，好和平，冇嘢，就咁上去律师楼签纸，搞掂。”他更重申当初净身出户，将八层楼、两个车位全数转让予前妻作补偿。李龙基与卓海霞在内地结婚、香港离婚，他表示是因为前妻在婚后数年便成为了香港永久居民，故可以在香港办离婚，又指对方在国内的身份已消失：“国内嘅身份其实就消失咗，冇咗，所以冇需要去办理乜嘢，当然，办理都可以嘅，但系我哋觉得冇咁嘅需要啦，因为大家已经系香港人，所以我哋冇去搞。佢入嚟香港𠮶时我陪同佢，过境𠮶啲官员都同我哋咁讲，‘嗱，你今日已经成为香港人，你以前喺国内𠮶啲资料冚嘭唥消失晒，你唔可以再拥有㗎喇。’”记者曾咨询香港大律师陆伟雄，他指一个人在香港离婚、获得离婚证明书后，可于香港再婚，但假若要在内地结婚，则需提交俗称“寡佬证”的“无结婚纪录证明书”，李龙基也证实这个说法属实，“冇错，若然我要返入去内地结婚，我就要喺香港申请一张叫做寡佬证，即系申请一张现时婚姻状况嘅书，𠮶个证明，我先至可以过去结婚，若然我喺香港结，咁唔需要啦。”

于王青霞出狱后曾为再婚办“寡佬证”　却摆乌龙申请失败

根据陆伟雄大律师所讲，申请“寡佬证”需时不多，大约一星期左右已能获得，问基哥为何没有寡佬证，是否因为当初以为王青霞有香港身份证，故打算在香港跟她结婚，他说他知道拍拖期间王青霞仍未成为香港人，但他是深信对方将来能取得香港身份证，故未有申请“寡佬证”，直至对方出狱后不久，他曾向政府申请：“佢出返嚟，返咗嚟大陆，咁我就觉得系时候，我要同佢结婚㗎喇，所以我就去申请𠮶张寡佬证，点知我自己就搞错咗，申请到一张系咩呢？原来讲我几时几时结婚嘅𠮶张嘢，系我同第一任太太结婚，第二任都冇，所以，冇沟通呀佢哋。”申请失败后，基哥获通知要去民政处重新申请，不过因为王青霞后来态度有变，更只身回到佛山家乡，他便未有再扚起心肝再去申请，更唏嘘谓：“后来发生咗咁嘅事出嚟，冇需要申请啦而家。”

否认“基关算尽”推王青霞入狱　嘲网民认知能力低

除了“未与卓海霞离婚”外，近日亦有其他对基哥的指控，记者也请他在专访中逐点回应，先是被指“计算基”、“基关算尽”，他指自己与卓海霞、王青霞当初纯粹是三角关系，自己婚内出轨确有不妥，但情况一点也不复杂、当中并不涉及什么计算，“我算乜嘢？有几个频道，话李龙基㧬王青霞去坐监，话‘李龙基玩完玩剩，要撇甩王青霞，所以就算尽机关，㧬佢入监！’佢仲讲得好清楚，话喺个监狱门口接咗王青霞之后，即刻㧬咗佢返大陆。有常识嘅人，都会知道，王青霞唔系香港人，有乜理由可以佢喺香港监狱一出嚟我接得到佢？系入境处喺监狱接咗佢之后，直接车佢入去，呢个叫做递解，有乜理由我接咗佢，然后㧬佢返大陆？话我计算，仲有一个，佢话当日王青霞俾入境处拉𠮶日，就系我计好晒㗎喇，特登入去大陆做嘢，然后就通知入境处，话‘王青霞一个人喺屋企，你去捉佢啦！’话若然佢唔系通知𠮶个地址喺边度，人哋点样揾到你呀？你真系咁睇低香港政府嘅效率？你啲认知能力真系非常之低！”

澄清日日探监订私饭　强调若识造新闻搏见报一早大红大紫

基哥特别提到有网民不独虚构他“推王青霞去坐监”，更从未去过探监，又不肯花钱订购“私饭”让王青霞在狱中有较好的伙食，他澄清：“𠮶时仲喺大榄涌，有私饭，话我‘六千几蚊呀都唔舍得买畀佢食’，咁清楚嘅点解佢？老实讲，王青霞喺大榄𠮶时我日日都去探，𠮶时啲记者都捕到我，我点样一日都冇去探？仲有，私饭𠮶度，入大榄涌半途中有间餐厅，我就喺𠮶度订，有晒record，订到𠮶个店主都熟我喇，泊车唔使钱，因为我日日都泊喺度，佢话‘你泊喺度啦，唔会俾人抄。’何必咁样屈我？”记者续问，网民有一个说法指他现时能全身而退，“七层楼”力保不失，更在两年间不断造新闻搏见报，如今甚至又可以回复单身找下一个女友，十分高招，明赞暗踩“姜是老的辣”，基哥听完冷笑几声：“我想见报嘅咩？我都同你讲，我入咗行40几年，我有冇利用过呢种咁嘅嘢嚟提高自己嘅声誉？若然我系咁样，我非常鄙视呢个我！若然我系真系可以咁叻、咁识计算，我出道冇几耐，我就应该利用呢样嘢令自己大红大紫啦，使乜等到40几年之后，到我今年成75岁，先至搞啲咁嘅嘢？点样叫计算基呀？呢个计算基就冇咗电啦！ 坏嘅计算基嚟。”

否认利用名气及香港居留诱国内年轻女子　风光时拥四层楼五架车

此外，由于卓海霞、王青霞都是比李龙基年轻二十几甚至三十几年的内地年轻女子，有网民指他利用自己的名气以及“香港居留权”吸引女方，基哥认为外人这样想是无可厚非，但他直言若是如此，无需等到今时今日，“讲嚟讲去，我最当时得令𠮶阵时， 40零50岁𠮶时就最好，咁我呃好多啦？使乜搞到今时今日呃一个咁多？𠮶时真系揾到好多钱，真系，唔系讲大话，我试过唱一个月买咗一层楼，当然𠮶时楼价好低，仲有连租约嘅楼，所以价钱更低，但系都系一层楼，喺市区，680呎，喺黄金商场上面，一个月咋，我𠮶阵时大把机会呃年青女子，点解唔𠮶时去揾？”问到最风光的阶段身家可曾破亿，基哥自言对钱不敏感，但相信没这么多：“𠮶时都未有，𠮶时啲楼唔系好贵，我自己喺香港有四层楼、五架车，三架系靓车，两架普通日本车，所以其实𠮶时我身家都不弱。”

终极回应七层楼风波　认与传媒沟通有误：从冇讲过畀王青霞

讲开“楼”，相信大部份香港人都知基哥有“七层楼”，李龙基在2024年1月与王青霞接受《01娱乐》访问时，曾表示：“我从来冇讲过话我将七层楼畀咗佢。”早前有人翻出基哥在2021年接受《明周娱乐》访问时，提到“到时搞咩手续唔好喇，写晒畀佢啦。（记者：全部物业写晒畀佢？）系，当然我亦都对佢好有信心，佢一定会睇住我。”网民对比基哥在两个访问的说法，指他前后矛盾。早前他已澄清与《明周娱乐》有沟通误会，他在今次《01娱乐》专访上再作出终极回应：“好耐好耐之前，《东周刊》也曾上过国内𠮶度影我间屋，𠮶时佢就爆出嚟有七层楼，系佢爆嘅。后期有一个媒体访问我，访问之前我同佢倾偈，我同佢讲话我七层楼写咗太太个名，佢话‘你咁傻嘅？净系写佢名唔使你名？’我话，有乜所谓，你知我呢行，分分钟呢度飞来飞去，有咩事上嚟手续好烦，我信得佢过嘅。嗱，跟住正式访问，佢忽然爆咗句‘你系咪将七层楼过晒畀太太？’我话系，跟住同佢讲因为做我哋呢行飞来飞去好危险，费事以后要做手续……如果大家睇返𠮶个视频，我完全冇讲过系‘我将七层楼准备过畀王青霞’，咁就大作文章。”

记者则向基哥坦言，《明周娱乐》整个访问都围绕他与王青霞的故事，实在会令人联想“太太”为王青霞，而非卓海霞，他亦承认自己有错：“冇错，我都觉得我自己有少少犯错，因为𠮶阵时我同王青霞都叫做好恩爱，所以我就叫佢老婆老婆，所以佢忽然间话‘你系咪过咗畀你太太？’讲真，我都唔记得咗边段时间，总之都系我自己犯嘅错之一，但从任何一方面，我从来冇讲过话呢七层楼过咗王青霞度。”随著基哥这个终极回应以及澄清，希望他与卓海霞、王青霞的是是非非也能尽早划上句号。