颜仟汶近年在TVB参与《一舞倾城》、《反黑英雄》、《新闻女王2》等剧集，虽然观众较记得的，可能是他于千禧年代初参与多部三级片演出，但其实她是“第十五期无线电视艺员训练班”毕业，同期有黄德斌、林家栋等，虽然颜仟汶头几年做到爆晒厂，一日跑几组，不过她近日在演艺人协会YouTube频道的访问中自爆，效力无线、亚视两大电视台都是被弃用，曾感非常徬徨。

艺训班出身曾连续3年爆骚　一日跑几组剧做到肝炎入院

颜仟汶指自己由1989年加入艺训班，一路做到1995年，当时TVB百花齐放，自己连续三年爆骚：“一厂系综艺、二至五厂系Drama、七厂好似系sit-com、八厂系录影带……我𠮶时92至94，连续三年都爆show！我由一厂《笑声救地球》一路去到二至五厂，到八厂录影带都有我，𠮶五年里面我系一日跑几组。”她指那时日复日开工，完全冇时间消化角色，亦因年纪太轻未有思索太多未来。

不获TVB续约大受打击　勤力没回报反问：我究竟衰咩

讲到之后离开TVB，颜仟汶直言：“呢个决定唔系我选择，系𠮶时95年约满， TVB冇同我再续约，系自然流失𠮶只。”她得知不获续约时都很不开心，表示：“一定有！点解唔要我？我咁勤力，我拍咁多嘢，做到肝炎瞓一个月医院，我真系有问过‘我究竟衰咩呀？’唔知，以前（电视城）4楼、5楼我好惊上去，除咗上去攞剧本之外唔会走上去打交道，打招呼，我真系唔会，净系做，唔会够胆上去问点解唔同我签约，咁我就离开咗。”她形容当时手停口停，便转行做保险，半年后转职发型屋前台，亦有试过去马来西亚拍剧，最终因欠缺机会而回港任职写字楼，其后经好朋友陈梅馨引荐，便一同加入亚洲电视（ATV）。

入亚视仅10个月因拍摄性感相被炒鱿

颜仟汶指当时“懵吓懵吓”就加入了亚视，原本签了两、三年约，但竟然10个月便被“炒鱿鱼”，她解释原因：“因为𠮶时系好兴影性感相，我就影咗比较尺度大啲嘅性感相，喺杂志𠮶啲，亚视就无啦啦炒我鱿鱼，请我食鱿鱼，又系咁样炒咗我出嚟。”她再一次感到非常徬徨，直言当时电视台很多女星都有影性感照，却只有自己被“剁”，“A、B、C、D都喺度影紧，点解要剁我？其实好简单，因为我small potato，咁咪用你杀一儆百，等其他啲花旦唔好再咁乜嘢。”

父患癌弟妹年幼　为生计拍三级片：唔谂喇，我要钱

颜仟汶失业后祸不单行，父亲患上食道癌，而其弟妹只有两、三岁，她必须肩负起养家责任。离开亚视后有更多杂志帮她影性感写真，最终亦因而被王晶导演赏识，拍摄了几部意识大胆的电影及多套艳情片，她说：“我都系冇谂，你行到𠮶个位，你咁徬徨，你爸爸咁样，我需要有收入维持我嘅生计。其实我拍呢啲尺度大嘅片，绝对绝对唔系因为爹哋，呢个我之前都讲过，唔系因为爸爸，系因为我需要有生活费去支撑我嘅生活，我唔支撑到我自己，我点照顾爸爸？我点照顾细佬妹，咁细个，点样去搞？”颜仟汶出道至今都没有经理人，没有人帮她计划星途、编排工作，她只能顺著走，有什么做什么，不敢想太远，也甚至接三级片时不会担心将来能否嫁人，“我净系好记得陈梅馨同我讲咗一句‘你自己谂清楚㖞！’我话‘吓？我仲可以谂咩？拍啦，唔谂喇，我要钱多啲！’我要收入啰，同埋都唔系个个都拍得，同埋𠮶个年代又有好多……点讲呢？我又会觉得睇到好多例子，都唔系一件咩大件事啫，咁咪是但啦。”

近年返TVB饰母亲角色不怕定型　入行30年终有人赞：我冇坚持错

近年颜仟汶参演几套无线剧，还有未播出的《正义女神》，虽然全是妈妈角色，不过她十分享受，也不会怕被定型，“如果你一谂起啲特色阿妈就谂起我，我非常之welcome，我唔抗拒，开心都嚟唔切！”她指入行三十多年，近年能凭客串角色有人赞、有人留意，已是非常开心和鼓舞，更谓：“我冇坚持错。”