《卢海鹏鸣金收咪演唱会》今（27日）在尖沙咀文化中心举行，多位圈中好友，包括吴丽珠、苗侨伟（三哥）、戚美珍、黄日华、叶振棠等人，就连周润发（发哥）都前来探班，一起力撑卢海鹏演出成功。

卢海鹏对答如流

现年84岁的卢海鹏今日开演唱会，其状态大勇，精神爽利，在接受媒体访问时更对答如流，令现场笑声不绝。问到会预备唱多少首歌时，他表示：“唔知呀！点计啫，唱得嚟。（玩即兴？）咩即兴啫，唔知几多㗎！（收咪会唔会唔舍得？）而家都话唔收啰，（见返以前咁多合作嘅朋友有冇一啲回忆呀？）有咩好回忆啫，成日都有见㗎，（有冇惊喜送畀观众？）冇，即兴㗎啦，平时做咩咪做咩啰。”对答反应相当快。

难再扮演海报上人物

卢海鹏模仿能力相当高，曾模仿多个圈中人，令香港人难以忘记，问到演唱会会不会模仿在海报上出现的人物时，他就二话不说：“海报𠮶啲造型全部都要化妆嘅，造得型嚟都唔使出台，造得型嚟又返嚟化妆，化妆完又出去演，演完又入嚟卸妆，你估做电视咩，而家系live骚。（揾朋友扮呢？）：“咁仲使乜我做啊！若果佢做得似，佢以前就做咗啦！（接你班呀。）接班就唔系几廿岁嚟接㗎啦。”

见到好朋友感开心

另问到收咪后会想做甚么时，他表示：“咪又系做返人啰。”相当搞笑。续问到有没有一些特别想做的事情？他说：“冇咩特别嘢。（再开咪啰。）有咩所谓啫，而家身体好。”他又表示今日见到多位好朋友出现很开心。