梁敏巧早前现身屯门为其YouTube个人频道节目《一齐煮饭仔》进行新一集拍摄。今次节目邀得人气主持林盛斌（阿Bob）及女神关嘉敏齐齐上阵，三人一边煮、一边笑，现场气氛热闹又温馨。

梁敏巧唔认系地狱厨神

梁敏巧接受《香港01》访问时表示：“其实我系人称地狱厨神 ，但我唔认㗎，因为我厨艺了得。同埋我都想试吓煮嘢食咁样。谂住将来嫁得出又嫁得好，亦都想未来老公日子安稳啲，同埋健康啲，所以我就揾一班朋友过嚟帮吓手做白老鼠，试吓我啲厨艺咁。”

梁敏巧自小入厨

被问到入厨经验多久？梁敏巧笑言：“其实好细个已经入去厨房煮嘢食，因为本身我爹哋妈咪都系厨艺家，亦系幽默大师嚟嘅，因为爸爸系会用红肉火龙果炒饭，跟住我妈咪又会用啲烧鹅及咖喱鱼蛋煲汤，变咗我由细到大都系喺一个突破框框嘅厨艺底下长大，所以我煮嘢食都有一定嘅水准。（拍片系增加及铺后路？）如果有收入又有多啲客户过嚟频道梗系开心啦。但我会觉得请啲朋友上嚟玩下大家一齐拍下嘢我觉得都好开心嘅。”