现年30岁的容天佑在无线剧《法言人》演见习师爷“Tony仔”一角而入屋，他即将在本月27日于丽思卡尔顿酒店（Ritz-Carlton）迎娶拍拖8年的圈外女友扶天恩（Winnie）！据知，容天佑的老婆Winnie家世显赫，家族生意庞大，而Winnie更是珠宝批发商。日前，婚后不久的的容天佑在IG公布升呢准爸妈了！

贴超声波照报喜　容天佑：今年新年唔使畀三姑六婆问到口哑哑

容天佑于IG贴出BB超声波照和老婆的孕照，并开心宣布怀孕消息：“Coming soon …
#今年新年终于唔使比三姑六婆问到口哑哑了！”对于妻子家世显赫，容天佑曾大方承认：“佢哋家族都系做关于珠宝，Winnie 外公做玉，姨姨做翡翠,爸爸就做钻石首饰批发。（会唔会有压力？）又无乜压力嘅，佢哋都好支持我，我会用我庞大嘅爱锡爱锡返佢哋。”

筹办婚事期间突传怀孕　自爆双喜临门背后有洋葱

对于想生仔定女，容天佑指：“仔女迟啲再公布，不过仔女对我嚟讲都一样开心。”新婚未够3个月就有喜，容天佑表示：“其实所有野都系一个缘份，我哋啱啱得到两边父母嘅同意，开始筹办婚礼2个月左右，就发现有咗，所以将婚礼嘅时间即刻缩短😆 所以一切都系上天嘅安排，系上天嘅礼物🙏🏼因为当初谂住大把时间筹备婚礼嘅时候，爸爸突然中风入左医院做左两次手术，啱啱情况稳定嘅时候，我老婆就发现有咗bb了，老婆想喺个肚变大之前进行婚礼，所以所有事情系3个月内发生，而家谂反起个心情起起伏都好复杂。”

大赞BB孝顺：老婆都完全无孕吐或其他不适嘅地方

他亦不忘大赞BB孝顺：“有咗bb但未发现嘅时候，我哋又搬屋，搬搬擡擡，又日日揸车去医院探爸爸，又好辛苦咁筹备婚礼，基本上系𠮶半年每日都只有4,5小时休息，但系我老婆都完全无孕吐或其他不适嘅地方，所以所有嘢都好感恩。都好感谢所有帮忙过婚礼，照顾过我哋嘅人。”