郑嘉颖日前出席活动，指将儿子由国际学校幼稚园，转读传统学校直言在升学上“我哋行错一步”，大人细路都感后悔，更指个仔做功课做到喊，唯有同个仔讲︰“你老豆以前都好憎默书，但系有个方法，就系将憎嘅嘢快快趣趣做晒佢，咁你咪可以玩，做自己钟意嘅嘢啰。”事件惹起网上关注。

今日（30/1）郭羡妮现身铜锣湾出席活动，就事件接受《香港01》访问时表示：“其实我个女本身系读传统学校，因为当时我想佢行我条路，佢就入咗我间小学，但系佢读得好辛苦，因为好严，同好多功课好大压力，你试谂下细细个六七岁小朋友，就已经有成10样功课，咁我都觉得好夸张，同埋当其时我又会要佢去补习，又咁多功课做，佢系好惨。”

郭羡妮续说：“佢自己都顶唔顺，跟住佢好唔开心成日喊，所以最后同佢转咗读国际学校，而家佢好开心，一路都好开心。记得当时阿女小一小二嘅中文，已经系好犀利，一篇篇好长𠮶啲文章，个 Level高嘅，到佢过去国际学校𠮶边呢，就唔同晒，佢系读简体字，同埋讲国语。自从帮佢转咗国际学校之后，佢真系开心咗好多。”