陈志云化身“韦家晴”回归DJ老本行

HOY TV音乐企划《岁月如歌》请来陈志云担任声音导航，他日前接HOY主播王凌燕专访分享点滴，他说这次会用到“韦家晴”这个名字：“喺里面我做返老本行DJ，回顾返廿几岁青春年代，而家66 。因为每个人都需要温暖嘅回忆，《岁月如歌》系属于大家嘅集体回忆，每个年代好似唔同，但里面嘅核心都一样，系情，人情、爱情、友情，都系𠮶啲嘢。譬如同年长嘅人一齐怀缅佢哋嘅回忆时，你就学识点去珍惜现在拥有嘅，因为你现在拥有嘅嘢，就系你将来嘅回忆。呢啲回忆令你觉得困难时，会支持你，用一个温度去拥抱你。”

陈志云忆述七年官司曾陷谷底

为节目录音时志云大师说感觉像回到84-87年做电台节目：“因为𠮶阵冇通讯软件，听众系用手写信嚟，虽然大家未见过，但有一种连系，大家嘅接口好似好近。我自己都经历过艰难嘅日子，最艰难当然少不了我七年嘅官司，真系好似跌到谷底咁，因为我做主持，人哋认识我，我当时好惊出街，有啲恐惧症，惊人哋点睇我。但最后最重要系认识返我系咩人，人哋点睇你唔系最重要，你嘅人生系你自己嘅，唔系人哋定义。如果冇经过咁困难嘅时候，我唔知道大家原来咁锡我，咁信任我。”

爆陈慧琳最难访问

志云大师也分享了多年主持心得，他说：“做主持最难系你要揾到自己嘅位，呢啲都系需要时间，又唔系话好要琢磨技巧，但努力好紧要。（访问过咁多嘉宾边个令呢最苦恼？）有啲朋友嘅性格系钟意你问一句，佢答一句，佢唔会去延伸。耐啲嘅就系陈慧琳，佢真系几难，而家唔同咗啦！以前问佢，你同男朋友感情系点？佢话好好呀。冇㗎啦！钟珍就系佢喊嘅点，一讲就喊。近期就魏浚笙比较类似，佢都系要你出力带佢，而家过咗一段时间，𠮶阵佢歌都未出，佢第一首歌系喺我志云频道《Stephen·倾》度唱，不过郑秀文睇到佢唱歌，请咗佢做演唱会嘉宾，咁我都几开心。”

视戴卓尔夫人为偶像

谈到自己的偶像，志云大师就说是前英国首相戴卓尔夫人：“佢真系答问题答得好好，好熟书，熟到佢手袋摆咗好多资料，但佢唔使攞出嚟睇。同埋佢好识得将问题调返转嚟问，如果有人话佢咩做得唔好，出卖国家，佢就话‘你系咪指控我？认真吗？’答得好，反客为主。”志云大师边说边模仿戴卓尔夫人的英国口音和语调，维肖维妙，令人拍案叫绝。