大忙人宣萱今（4日）现身奥海城出席文化艺术活动，更获著名画家徐悲鸿送上一幅独一无二的骏马画作，令她相当开心。而在接受媒体访问时，问到家中有没有收藏有关于马的艺术品时，她就表示：“我又冇专登收藏马，我屋企有好多风水马，因为马系会带财入屋。（自己都系迷信？）我叫神婆。（中西式都信？）我钟意咩都听吓，但信唔信系一件事。”续问到家中会不会是摆很多风水阵时，她扬言很多：“总之佢（风水师）叫我摆乜我就摆乜，其实我姐姐（工人）已经好专业帮我打理风水阵，佢会知道几点至几点会做呢样嘢，有本嘢写低晒。” 还透露师傅已告知今年在运程上还可以的。

宣萱喜爱Marvel精品

除了提及马之外，当问到会不会买一些画作之类的艺术品时，她就笑言：“如果真系买嘅，我会买Marvel个啲，因为有Stan Lee签名，（咁你去古生个仓参观吓。）我有同佢讲过我都想去睇吓。（咁你新年可以去参观吓？）等《寻秦记》过咗先，大家都好唔得闲。”她还透露《寻秦记》加长版，自己在一星期前已配好音，但还未有时间看，也不知道何时会作公开播放。

回应胡定欣离巢TVB

而讲到曾合作的胡定欣在今日突然宣布离巢，结束与TVB逾20年宾主关系，问到作为过来人，有没有一些贴士给到对方时，宣萱就二话不说：“最紧要自己开心，我觉得佢唔会冇谂清楚就去做嘅人嚟，我觉得佢一定系谂清谂楚，佢应该有佢嘅去向嘅。”并向她送上祝福。

性格直率拒“擦鞋”

早前，网上突然翻Hit一段宣萱在1994年与其他演员现身《K-100》节目，挑战TVB高层，直指公司过于重用歌星，但歌星又经常迟到，其直率敢言性格随即成为网上热话，对此她就表示：“我嘅性格就系咁，可能公司都觉得我有啲难搞，（有冇试过畀人训话？）会有少少可同你倾偈，可能话有啲嘢其实未必直接影响到你嘅，就可以唔使出声，可能影响人哋嘅，咪等人哋自己讲啰，人哋唔讲咪唔好讲啰！呢啲都系一啲经历要学，其实系学‘精’咗，但系我觉得‘精’嘅定义就系，唔好将自己扭曲到变咗一个唔系自己嘅人，或者变咗一啲相反方向、去咗一啲‘歪’咗嘅方向。”
另提到当年难顶“擦鞋文化”，而选择离巢TVB一事，她表示同人事变动有关：“自己试咗发觉唔夹㖞，好多做嘢方式唔一样。”拒绝取悦他人，所以在有选择的情况之下离开。

坚称同古天乐是好朋友

最后，提到有不少网民都很喜欢“古宣CP”，更希望他们拍拖一事，宣萱就表示已被问很多次，问到都不想回答：“我觉得好难得可以喺呢个圈到有一份友谊，系咁多年，喺我嘅字典里面其实男同女系可以做朋友嘅，咁可能系某一啲人嘅字典里面唔得嘅。”续问到现时还期待爱情吗？她就坦承：“如果有啱嘅伴侣系开心嘅。”对于结婚一事就随缘。