谭嘉仪于2024年10月尾在香港演艺学院举行首个个人演唱会《Be With You 演唱会2024》，事隔一年多，演唱会却爆出拖欠酬劳的丑闻，为该演唱会担任和音的Kasey Pong早前在社交平台公开不满，直言至今仍未收到应得酬劳。对此，谭嘉仪本人接受传媒访问时透露：“我知音乐班底收唔到钱，我都未收到6位数演出费，完全冇收过，我都系苦主。”被指是主办方负责人Jelly今日亦有发声明解释，否认自己是主办并直指谭嘉仪指自己是苦主是无稽之谈。

负责人 Jelly 声明反击：谭嘉仪自导自演“老细”变“打工”？

全文如下：

Hello 大家好我系Jelly！

就近日各传媒报道有关于《谭嘉仪Be with You 演唱会2024》提及到我失踪、公司执笠同走数等等嘅事宜，因为已经影响到我身边嘅人包括姚子羚小姐及DJ乐宜，所以我有必要同大家讲返事情嘅真相。

当时因为谭小姐仲系TVB合约，而佢自己好想搞一个完全属于佢并可以自己主导晒嘅演唱会，所以就需要其他人去帮佢做呢件事，作为朋友嘅我当时就答应帮佢执行，并且系由谭小姐本人注入资金去做。成件事由海报设计/舞台设计/歌曲/服装/Dancer/Rundown/嘉宾/庆功等等全部都系由佢去话事。但最后佢竟然表示自己只系打工？！还无稽到同传媒讲自己也是“苦主”？

至今已经接近一年嘅时间谭小姐同我的确无联络，我唔理解点解谭小姐会话揾我唔到？只系佢冇揾我，不是揾唔到。因为今次本人嘅愚蠢我亦付出左代价，借贷去找一啲款项，其实调返转我应该要向佢追讨返呢啲嘅款项。

最后，我想讲，我并不是主办，我都要追番谭小姐钱。

我肯定呢个演唱会就算赚钱亦都与我无关，因为会系归晒谭小姐所有！

谭嘉仪曾指：对方拣人出粮、已读不回

谭嘉仪本人曾称是事件中的受害者，她接受传媒访问时透露演唱会合约于她仍属TVB旗下艺人期间签署，追讨事宜由TVB全权负责，但至今未有结果。她亦提到曾亲自联络主办方负责人Jelly，对方初时以“过年就会有”推托，后来更完全已读不回。谭嘉仪续说︰“起初话过年就会有，我一直都唔系追自己𠮶份先，系帮音乐班底追，但佢一路拖。之后打畀佢唔听，留言不回。听闻有啲收到（酬劳）。以我所知佢系拣人出粮，会畀番佢会继续合作嘅人。”并指会继续追讨番自己应得的报酬。