日前郭嘉骏（193）在ViuTV节目《晚吹 - 男人乱讲嘢》大爆一位“何姓朋友”的酒后瘀爆事迹，指结帐时，众人本著“识规矩”的默契，让“何千金”埋单。谁知“男何”突然高喊：“我畀！你唔好同我争！”更爆出一句：“你系咪睇唔起我哋啲穷人呀？”结果被滩叔一句“Dee！讲埋啲咁嘅嘢”即场“出卖”，令观众秒懂此“男何”何启华（Dee哥）。

何启华案件重演

何启华昨晚（9/2）现身圆方出席活动，他接受《香港01》访问时笑言：“其实𠮶个节目我都有睇，咩‘男何’、‘女何’，但我就唔知佢讲紧边个男何，我谂如果我系男何，我会谂当时佢可能唔系𠮶个语气。（你演绎一次！）我代替𠮶个男何去演绎吓‘你系咪睇少啲穷人埋单呀？’可能就系咁样，你知193有孟加拉效应，所以会加多咗啲层次喺𠮶度。”被问到饮酒时习惯自斟自饮？何启华笑言：“而家冇啦，戒咗酒啦，好少啦。（会咪𠮶次之后就戒咗啦！）系呀。”