迎接马年新开始，myTV SUPER特别推出全新开运节目《马年玲玲开运所》，节目将于2月17日起播出，共两集，每集30分钟，由著名风水师麦玲玲师傅坐镇主持，联同胡美贻、廖慧仪、何泳芍、陈若思、倪嘉雯、林俊其及蔡景行组成的新一代主持团，一起以轻松方式为观众送上马年开运秘笈。

催旺运势

节目中，玲玲师傅将亲自带队，在大年初一走进大型商场，由电影院、食肆、家品店、甜品店到金铺，边行边讲实用开运贴士。节目更邀得嘉宾蔡嘉欣及Mason参与，一同探索如何利用生活用品与潮流产品帮自己催旺运势。

分析12生肖马年运程

内容涵盖多个实用主题，包括“商场活动开运篇”、“马年流年运势及风水摆设宜忌”、“犯太岁生肖化解大法”及“马年BB改名大法”等；玲玲师傅更会逐一分析12生肖马年运程，送上专属开运小贴士及开年饭吉时建议，让观众新一年吃得旺、摆得吉、行大运。

蔡嘉欣有个性

今日（6/2）麦玲玲师傅与嘉宾蔡嘉欣现身奥海城为节目《马年玲玲开运所》进行拍摄工作。麦玲玲师傅大赞蔡嘉欣命格好，能嫁得好夫君，但讲到演艺事业直言不太适合：“因为佢自己嘅个格系属水，但佢又土多，系有时佢会喷咗个水。其实娱乐圈嘅人金水旺系著数啲，虽然样佢生得靓 ，但系呢佢系比较有个性嘅，咁所以又唔系搓得完揿得扁，变咗如果佢有自己想做嘅嘢，佢而家行呢个路就行得真系几好㖞。你转得咁快，当时点谂㗎？”

麦玲玲师傅爆蔡嘉欣有控制欲

麦玲玲师傅又指蔡嘉欣本身性格主动性很强：“其实佢中意控制，钟意啲嘢自己安排，自己控制，唔会系话等你安排俾我，或者我要好听话地去做，佢完全唔系呢一种。”

蔡嘉欣否认无线自由度不足

蔡嘉欣接著说：“学你话斋，我自己有一啲想自己做嘅嘢，就变咗我想主动做一啲自己想做嘅嘢。（言下之意系咪旧公司自由度唔大？）咁又唔系，我觉得𠮶啲自由系唔同嘅，因为有啲人佢可以喺呢间公司入面，佢都即系同时发展好多外面嘅嘢，但系我睇嘅自由又唔系𠮶个啰，纯粹系我觉得，我想专注想做自己嘢多啲。”

感激无线栽培

被问到有否工作想做，但公司不准？蔡嘉欣笑言：“其实真系冇㖞，其实公司都对我几好嘅，都因为佢哋，所以都多咗好多人识我。有多拍摄机会。（公司对你咁好你又唔续约？）咁大把人都唔续约啦。（公司俾咗咁多资源俾你，唔续约公司会唔会唔高兴？）咁又冇，其实公司冇乜所谓咁多人，除咗我之外，咁多精英。”

马年容易有喜

对于蔡嘉欣何时容易有喜，麦玲玲师傅表示：“马年系非常合适嘅年份，同埋佢命格入面除咗同老公夹之外，同仔女都夹。但如果真系成为一个妈妈，你系一个几紧张嘅妈妈嚟，因为你中意控制人，但就唔钟人哋控制你，你返去检讨下。”