台前幕后团队共八十多人抵港参与 ，京剧《美猴王•孙悟空•谁与争锋》日前在西九戏曲中心大剧院圆满完成一连三天演出，吸引不少城中名人包括元秋及元家班兄弟姊妹、白雪红、叶家宝、石修、姜大卫、李琳琳、梅雪诗、朱剑丹、邓美玲、谢雪心、卫骏辉、邓达智、陈图安、钟叮当、邵音音、谭玉瑛、汪曼玲、黄德斌、梁非同、连炎辉、颜米羔、杜小乔和游莨维现身捧场。

京剧《美猴王•孙悟空•谁与争锋》一连三天演出

《美猴王•孙悟空•谁与争锋》由朱陆豪老师担任艺术总监，与超过数十位表演者共同串演各个神话角色，从托塔天王、太白金星、二郎神、哪吒、巨灵神、龙王、青龙白虎到虾兵蟹，众神将逐一登场，与孙悟空率领的猴子猴孙展开连场大战，令西九大剧院观众大呼过瘾。

这次公演是主办及受惠机构“智行基金会”，与制作单位“趋势教育基金会”在香港首次合作并以筹款为目的，特别顾问陈善之说：“本剧兼具娱乐性和文化底蕴，集东方杂技、西方马戏表演于一身，很多家长带同小朋友一起进场欣赏，让他们认识京剧的魅力。”

完场后一众名人分享观后感，叶家宝说：“幕幕都咁出色，特别系三代孙悟空各自各精彩，第三代秦朗嘅动作真系好精细，第二代徐挺芳就好扎实，而第一代美猴王朱陆豪已经70几岁，但仍然系好出色，动作表情真系叹为观止。佢哋每个演员嘅动作同彼此互相配搭，组织成一个好震撼嘅画面。听到观众嘅掌声，大家都睇得好兴奋，呢个京剧美猴王系一个好不一样嘅演出，令我眼界大开，我觉得要将佢推广去世界各地，等大家知道京剧呢种国粹系有几咁精彩，中国京剧嘅功夫系几咁扎实。”

姜大卫说好好睇：“佢哋啲功架真系好劲，真系唔知要几多年功夫先做得到？”李琳琳：“其实我细个都学过京剧，不过系也也乌，佢哋每个角色，无论系主角或者配角都演得好专业。”

邓美玲：“好开心可以睇到三代猴王嘅演出，我觉得佢哋除咗将猴子应有嘅动作做得好细微，佢哋就算画咗个面谱、但知都仲可以睇到佢哋嘅眼部表情，系好难得，好值得后辈学习。”卫骏辉觉得非常好睇同埋好精彩：“第一次睇到有三个孙悟空喺台上面出现，朱师父嘅形态真系好似，两个年青嘅孙悟空嘅功架落咗好多功夫，成套剧编排嘅打斗场面组织都好好，好热闹，睇到好开心。”

邓达智：“我觉得好正，首先系动感，男女老幼都可以睇，呢个系一个普罗大众都可以理解同接受嘅剧目，睇得真系非常开心。”

谭玉瑛：“京剧嘅舞台功架系好好睇，今次仲可以睇到三代猴王一齐演出真系好难得。”

颜米羔：“我觉得好新鲜，我第一次睇京剧，我记得以前成日喺网上睇到啲京剧片段，佢哋有一啲好犀利嘅动作，配合得好好，好多跳跃嘅动作要喺舞台上一take过做到难度系超高，之前我做演唱会都曾经有悟空嘅概念，𠮶次我想耍棍，但对我都好难，但佢哋最尾有一场系三个孙悟空一齐耍棍，佢哋嘅动作好快速，呢个系一个好犀利嘅艺术，而且专注度要好高，佢哋唔单止有动作，仲要交戏，如果再有机会我会再睇多啲呢类型嘅剧，亦希望大家多啲支持，因为呢个都系我哋中国嘅文化，好惊喜，好新鲜，好正！”项明生：“我第一次睇京剧，完全冇冷场，绝对拍烂手掌，一幕比一幕精彩。”