陈慧琳近年鲜少曝光家庭生活，但近日Kelly的姑奶刘建芝Gigi就于社交媒体上载了她与妈咪，以及Alex及两个囝囝的团年合照。从相片中可见，17岁哥哥“虾饺仔”刘升身材魁梧，身高180cm的他尽得父母真传，既遗传了Kelly的精致五官，亦如爸爸般高大威猛，而细佬“小笼包”刘琛虽然只有13岁，但他已高过Gigi以及嫲嫲，而脸相亦跟爸爸如倒模一样。

陈慧琳大仔被指似宋仲基

不过网民就几乎都被她大儿子吸引，不少人惊呼：“好似韩国男神宋仲基！”亦有网民留言称，这位少年举手投足间流露成熟气质，与宋仲基初出道时的感觉相似，更有人笑言：“阿妈系天后，个仔都自带韩剧光环。”

今日（19/2）陈慧琳现身沙田出席年初三赛马盛事，她接受《香港01》访问时表示：“话佢似宋仲基，我梗系觉得唔似啦，咁样吓死佢，佢只系普通人一个。同埋佢觉得自己好核突，佢自己觉得唔靓，佢成日讲只眼下垂，个鼻又唔够咩，佢觉得要似我先靓啲。佢又会话点解唔只眼同个鼻唔似我，虽然佢又冇话似爸爸，但大家都唔想似佢，哈哈。不过爸爸后生好Ok，而家都好靓。同埋我都有同佢讲，而家仲细个味道未出嚟，到大啲整吓啲暗疮，又整吓个头，男仔个样就会出嚟。”