郭富城为两女准备惊喜 送BABYMONSTER亲笔签名CD：写埋佢哋个名
撰文： 吴子生
出版：更新：
郭富城同太太方媛的两名女儿，最近迷上韩国女团BABYMONSTER，方媛早前在社交平台大晒女儿练舞片，大女儿穿粉红装精准模仿《PSYCHO》甩头动作，二女儿迷彩look一样有型，网民赞到飞起：“舞感劲！果然系舞王传人，颜值又似妈咪方媛。”而郭富城亦曾透露两个女儿超爱唱跳，尤其钟意BABYMONSTER的劲歌热舞，他还特别在屋企装了大镜同舞垫，请专业舞蹈老师上门教，更亲自示范走位同节奏。
郭富城为爱女送上BABYMONSTER亲笔签名CD。（叶志明摄）
送上BABYMONSTER签名CD
今日（19/2）郭富城现身沙田赛马活动，他接受《香港01》访问时笑住爆料，为女儿特别送上BABYMONSTER成员亲笔签名CD，女儿收到的一刻十分惊喜：“最近佢哋有收到礼物，我开心就系因为我嘅best friend，佢知道我个女钟意BABYMONSTER，因为佢做时装，嚟紧可能有好多啲同好多唔同嘅世界各地嘅组合合作，可能同BABYMONSTER咁样，咁我同佢讲开嘅时候，跟住过咗冇几耐，佢哋收咗BABYMONSTER嘅签名，收到佢哋嘅亲笔签名嘅CD，连我都有份。”
被问到女儿反应？郭富城表示：“佢哋梗系惊喜又开心啦，六个女仔签晒名，仲要写埋佢哋个名，唔够一个礼拜就收到佢哋嘅CD，见到佢哋开心我都好开心。”
郭富城出席活动。（叶志明摄）
郭富城出席活动。（叶志明摄）