两大型男范麒智（Kenji）与王智骞（Martin）凭BL路线杀出血路，掳获大批影迷。日前二人出席由光尚娱乐主办的《Kenji & Martin Fan Meeting 2026 in Hong Kong》，是他们相隔两年再于香港开见面会，除香港粉丝外，更有远道而来的中、日、泰、台的支持者撑场，场面墟冚！

短期内最后合体　大量宠粉福利

甫出场，Kenji与Martin不止摆招牌甫士给粉丝影相，还特地增加许多互动环节，近距离跟粉丝玩游戏，亦首度在香港献唱《灵魂约定》主题曲《换不了的你》。之所以有如此宠粉福利，因为今次极有可能是两子短期内最后一次合体，随著Martin早前宣布离开经理人公司升阳娱乐，这个期间限定BL组合暂未知何时再聚，难怪他们于活动上深情对话时亦不舍落泪。

台上落泪剖白“拆伙”心声

Kenji直言现时拍摄只剩自己一个，难免感觉孤单，又剖白心声：“初入公司已经认识Martin，所有行程都一齐度过，好难得！多谢Martin嘅陪伴，佢系我成长中不可或缺嘅人，知道佢即将有新嘅去向，祝福佢有更好嘅发展，我永远都会支持佢去做佢想做嘅事。而家拍嘢得返我自己一个，都有少少孤单唔习惯。”Martin则透露自己是于去年底决定离开，迎接新挑战：“离开系想有新开始，做呢个决定需要勇气，亦都好唔舍得。而家喺新环境识到好多新朋友，但都会成日谂起Kenji，啲新朋友好后生，好有佢嘅影子。”

期待以新身份再聚

问到Kenji与Martin的发展去向？Martin表示正积极装备自己、学习更多新技能，希望将来能为观众带来更多新面向，而Kenji亦说：“本身我哋两个当初都冇话一定要框死系BL组合，始终我哋当初《甜酸苦辣鲜》都系兄弟咁样行出嚟，到有《灵魂约定》先有呢个BL组合，我哋本身咁多年来都系好好嘅师兄弟，佢系一个帮助我成长好重要嘅人。我觉得BL呢个话题，暂告一段落，嚟紧自己会准备多啲喺演戏方面。”二人虽然不舍，但之后仍会私下约食饭、出街，其中Martin指：“呢行总有机会再遇，香港又唔系大，撞到嘅机会都好多，我反而期待之后喺其他Project撞到，用其他角色认识大家都系好事！”