翁静晶一向敢言、刚烈，近日她的网台节目《危险人物2.0》，请来相识47年的好友雪梨做嘉宾，大胆讲到娱乐圈的色狼。二人都是14、15岁未成年已入行，翁静晶曾被摄影师哥哥揸住枪想在车上“霸王硬上弓”，而雪梨则被TVB高层借醉行凶周围摸，幸好黄树棠路过见状即出手打这位高层，对他说：“𡃁妹你都搞？”才救了雪梨一命。

因误会不打不相识　五台山碰面互凶：出去打过啦

翁静晶与雪妮初入行已经认识，原本因为有人挑拨离间，令翁静晶以为雪梨四围唱她唱了自己的角色，所以二人初次碰面十分搞笑，雪妮忆述：“喺五台山，翁小姐行过嚟讲咗句好经典‘我唔惊你㗎！我叫我阿妈嚟！’我话同边个讲呢，隔篱冇人㖞，即系同我讲？咁我就回返佢一句‘你叫你阿妈嚟我都未惊你，出去打过啦！’”后来二人也不知事件如何和解，雪梨就澄清，自己当时见到翁静晶的照片，只说了：“个女仔咁靓，唔读书真系嘥晒。”结果竟然被歪曲事实，幸好二人“不打不相识”。

揭黄曼凝遇潜规则险遭暴行　宁死不屈踢烂门逃生

两人又讲到另一位曾经很相熟的好友黄曼凝，雪梨更说：“佢嫁咗俾我以前个未婚夫（香港浸会大学电影电视助理教授卢伟力），佢仲同我讲唔好意思，我话有咩唔好意思？未婚夫，未婚㖞，唔系结咗婚嘛。”之后翁静晶就指，黄曼凝幕前作品不多，很早已离开娱乐圈，但也有过非常不好的经历，幸好她宁死不屈，翁静晶说：“佢唔做娱乐墨，就介绍佢去做一间公司，我哋唔可以讲𠮶间公司，如果唔系佢杀咗我哋两个！黄曼凝遇到好大嘅灾难，基本上佢喺个公司遇到一啲好唔好嘅暴力，佢哋有个老细，唔好讲，总之上咗去北京，发生咗非常之唔好嘅嘢……即系咁讲，成龙好多女主角，佢系完全冇嘢，冇发生过任何嘢。（雪梨：你话同成龙呀嘛？）冇呀，所以得一部戏。”翁静晶续说：“佢系好有性格嘅人，𠮶单嘢就系上到去谂住倾生意，俾工佢做，但系搞到非常之……佢系反抗到底！总之都系男人同女人，佢系反抗到底，而家成日讲啲娱圈大哥会夹硬嚟，呢个女仔系反抗到底，门都踢烂埋，反抗到底！我哋就系𠮶时一齐玩，女仔行埋一齐保护佢，就系我哋最接近嘅时候。”

翁静晶问：成龙搞过你呀？　雪梨霸气回应

二人之后又讲到曾跟黄曼凝拍《A计划》的成龙，雪梨坦言早前在YouTube见到很多人讲成龙的情史、风流账：“我觉得原来个个人睇嘢都系咁样。”此时翁静晶直接问：“佢搞过你未呀？”雪梨：“关你咩事啫？（翁静晶：佢哋话有！） 佢哋话有？叫佢出嚟同我对质。”翁静晶认为，如果大家后生、开心、有感情、你情我愿，其实发生关系都冇问题，但如果当中涉及强逼就绝对不能接受，雪梨亦谓：“如果你讲逼，我都唔逼得，真系死梗！”

翁静晶14岁险遭导演持枪硬上弓　出手打退色狼：我报警你监都有得坐

二人各自讲到未成年时差点被性侵的经历，翁静晶指自己14岁时因拍《喝采》与泰迪罗宾和一些导演相熟，由于她年纪小，导演们都对她很好，有次泰迪罗宾带著她和电台高层、一班哥哥姐姐去怡东酒店的酒吧听爵士乐，但她觉得很闷，于是泰迪罗宾叫一位导演先送她回家，翁静晶大爆：“𠮶个哥哥系导演嚟，𠮶个嘢坏人嚟㗎你知唔知？佢车我去去咗佢屋企，佢话要返返嚟呢度，因为架车喺对面车房整紧，佢要返咗嚟攞车……结果郁手郁脚，你知唔知？仲要攞咗支枪出嚟，夸唔夸？佢攞支枪出嚟指住我，叫我……我就唔信佢‘嘭’我，支枪好似手掌咁细，吓细路，我打起上嚟喇同佢！你知我钟意打交，我哋唔系女仔嚟，打到佢！我学功夫㗎细个，条友好细粒，打完佢之后我同佢讲，‘我话畀你听，畀你得手你都死！我第一件事返去话畀我阿妈听，我未够年龄，我报警你有监坐呀！’𠮶个嘢惊到腾腾震，我话而家唔使你送我返屋企，我即刻走返去怡东酒店话畀Teddy哥哥佢哋听，头先𠮶个嘢系色狼，佢想夹硬嚟！全部人都知佢系边个，我即刻去报串，佢哋算好啦，冇话报警，所以你话夹硬嚟得唔得？唔得！”

未成年雪梨遭TVB高层借醉非礼　黄树棠义气挥拳救命

而雪梨就试过被TVB高层上下其手，他形容对方是TVB当时的第一把交椅，忆述：“喺TVB拍完第一部戏，有一晚高层唔知喺边间夜总会，喺度蒲，我饮大咗，瞓咗喺度，有个人喺度摸嚟摸去，我话‘唔好搞我！走开！’啱啱黄树棠行入嚟，一嘢执起佢，佢话‘你𡃁妹都搞？’系咁揼佢，高层嚟㗎，系TVB第一把交椅，我迷迷糊糊睇住佢，心谂‘打得好！打得好！’我都想打，但系我起唔到身。”在这里补充少许资料，黄树棠当年盛传遭无线封杀，有指就是因为他得罪高层，他2020年接受《明周娱乐》访问时，曾坦承自己性格火爆、举起右拳说自己“右手不听话，砸掉了很多良机”。谈及离开TVB的原因，他当时说是与TVB倾约倾几次都谈不拢，自问无论做幕前还是武指都尽心尽力，但公司提出的加薪幅度太低，每月只加五千，最终不欢而散。他在访问中说：“我走到门口正准备离开，听到对方话：‘黄树棠，我知你幕前又得，幕后又得，不过我睇你好得几耐！’当堂无名火起，转头一拳打落佢块面。”最后更被保安擡走。不过他当时就未有提及曾为雪梨打高层一事，或许是想保护对方名声。

慨叹昔日女星悲哀　翁静晶：正常女仔遇到呢啲事唔敢出声

讲到影视圈当年的风气，翁静晶庆幸自己与雪梨都是够恶之人，也不敢想像粤语片年代的陈宝珠、冯宝宝、萧芳芳经历过什么：“所以你见萧芳芳有个护苗基金，保护儿童免受性侵犯𠮶啲，你可以理解到，我哋两个系奇葩，我哋会打人！会反抗！会拎住大喇叭周围话俾人听发生咩事，正常女仔遇到呢啲事系唔会出声，所以粤语长片𠮶个年代啲童星，佢哋会经过啲乜嘢？（雪梨。辛酸啰。）唔好讲童星，好多女性都真系会就范，好恐怖真系！”