翁静晶的网台节目《危险人物2.0》，近日请来相识47年的好友雪梨做嘉宾，节目尾段二人真诚对话，大谈未成年发展忘年恋的感受，更叫大家不要学她们。雪梨15岁时恋上29岁的徐少强，尽管对方已婚，但恋爱脑的她仍为男方诞下一子一女，最终徐少强未有为她离婚，雪梨于是独力将子女养大。而翁静晶则在14岁对比自己年长30年的刘家良一见钟情，两年后重遇后交往，当时男方同样有家室，更不止一房太太。雪梨跟翁静晶的情路有相似之处，但不同的是，刘家良与元配离婚娶翁静晶，翁再为他诞下两名女儿，如此看来翁静晶似乎较为幸福，不过她在节目上，罕有地承认自己多次想走都走不了，自封反面教材：“我后悔，我话畀你听我后悔。”

雪梨遭徐少强母阻爆料　翁静晶抱不平：佢个仔难受你唔难受？

翁静晶先问雪梨有否做过什么轰烈事，对方答：“试过一次，（记者）咪话点解同徐少强分手，咁我噏晒啲嘢出嚟，第日佢阿妈就打俾我‘雪梨，唔好再讲佢。’我话‘得，伯友，我封口，我唔讲，自此之后我就唔讲佢啲嘢。’佢话‘系啦，好肉酸呀，我个仔会好难受。’我话‘OK，我唔讲。’”翁静晶听后很气愤，反问：“你冇阿妈生㗎 ？个仔就难受，你就唔难受？你话俾我听嘛，打佢一身啰，咩呀？”她指自己更亲自见过徐少强在雪梨产后揽住第二个女人，“我谂住如果你话郁佢我就去！”然而，雪梨自言当时是小绵羊，根本做不出。

翁静晶反思忘年恋：大人唔应该咁攞我哋著数

翁静晶反思这种忘年关系，她直指：“如果而家角度睇，佢哋系大人，我哋系细蚊仔，佢唔应该咁样攞我哋著数嘅。就算我有几咁钟意你，𠮶个情况要拒绝，我哋钟意你，你就话‘对唔住喇，小朋友…’”雪梨都承认自己当时14岁半太年轻，翁静晶续说：“你哋啲老男人，睇中咗细蚊女，氹咗个细蚊女，对你有感觉，你都要话畀细蚊女听你谂清楚先，你要等佢长大先。我哋共同发生嘅情况就系话，我哋系真心真意，然后好快有细路哥，然后当你有细路哥之后、入咗呢个局入面，你就走唔到，我困咗喺度。（雪梨：我冇得走添啦！）”

翁静晶自爆看《Lolita》感同身受爆喊想逃走：我走过好多次走唔到

翁静晶透露几年前看了一套名叫《Lolita》的电影，结果爆喊，因为她发现自己便是主角Lolita：“𠮶个故事系咩呢？一个年纪比较大嘅男人，钟意咗个好细个嘅女仔，都系未成年嘅女仔，个女仔好痴迷咁以为系钟意佢，其实整个过程入面，个大人应该系知道呢件事系唔啱，唔应该接受个细蚊仔，中间好多时想逃走，我有想逃走，你有冇想过逃走？（雪梨：有呀。）”翁静晶感慨谓：“我都有逃走，逃走唔到，因为佢会讲好多嘢畀你听，叫你唔好走，整到好可怜，我𠮶时走过好多次走唔到，譬如你识咗第二个男仔又好，有啲咩嘢，你有机会走⋯⋯”雪梨指自己并冇机会走，只求和平分手，但徐少强又会央求她复合。翁静晶闻言表示，自己不想女儿入娱乐圈，因不太认同许多圈中人的思考方式，但雪梨就认为，娱乐圈能训练一个人的成长、耐性、解决问题的能力。

为义气死守婚姻　陪刘家良走到最后一刻：唔值得学习

翁静晶继续刚才的话题，重提自己在困局多时：“我咁恶都走唔出𠮶个局，我都喺个局，你生咗第一个细路哥之后，基本上困住咗，你再生多个细路哥，你系呢世都走唔到，中间好多次想过逃走，系逃唔到。”雪梨安慰她，指其实翁静晶现在都过得很好，但翁静晶却说：“就系因为走唔到，咁就点样喺呢个走唔到嘅局入面，走一条比较好啲嘅路啰，就系去读书啰，如果唔系就大镬。同埋我个人你知我讲义气，有一样嘢咁讲，去到有咗细蚊仔、有咗个承诺，而佢亦都真系离咗婚，我又同佢结咗婚，无论系点样都好，呢条路只能够行落去，行到尾，行到最后一刻。无论后来感情演变成一个点样嘅感情，或者我当佢爸爸又好、当佢伴侣都好，我都系行到最后一刻，但系呢啲咁嘅死守，我性格系一种死守嘅人，为咗义气坚持到底系好蠢嘅，唔系呢个世界嘅人应该学习。”

叹香港社会畸形怪罪小朋友　若肯循规蹈矩或已嫁富商

翁静晶认为香港是个畸型社会，成年人与小朋友相恋，责任落在小朋友身上，被怪罪的是小朋友，使她觉得很吃亏：“做女人始终……你话几咁时髦都好，世界几咁Modern都好，一到男女嘅嘢就唔平等，肯定赖你，唔理你系一个小童定系大人，大人就更加添，所以只有揾你先听得明，我哋经历系好似。”翁静晶坦言，以自己和雪梨当年的美貌，如果乖乖地走其他女明星的路，可能已嫁给医生、富商，虽然雪梨不同意，认为一入豪门深似海，不过翁静晶就觉得，至少嫁个专业人士都好：“一般嚟讲你又乖又靓又循规蹈矩，你最低限度都揾个专业人士对你好，大家好平坦，年纪相若，但系点解有平坦嘅路又唔行，要行到咁样呢？”

直认后悔行错路　自封超级反面教材：千祈唔好学我

翁静晶忆述当年母亲做了很多奇怪事，使两母女关系差，但后来她知道对方的“破坏”，其实都是想帮她走、协助她逃跑，可惜在当年她只会觉得母亲是刻意跟自己作对。她自言好蠢、性格差又不温驯，又谓：“而家到人生呢个阶段我成日检讨吓，如果我行另一条路，选择行另一条路，我人生系咪好啲呢？”雪梨乐观地安慰，赞翁现时的路也十分精彩，此时翁静晶问了句：“你有冇谂过行第二条路，你有冇后悔？”雪梨果断回答：“冇。”

不过翁静晶就不讳言自己有后悔：“你硬颈，我后悔，我话畀你听我后悔。（雪梨：后悔有咩用，人都唔喺度。）系呀，但系我后悔，冇用都要后悔啦总之就系，后悔都冇办法，我唔会话后悔到精神病、后悔到扻头埋墙，但系我好理性咁话畀自己听，条路系拣错，唔应该咁行。（雪梨：咁你咪教你个女唔好咁行啰。）佢精过我，我知道喇，我喺呢个世界最大嘅贡献就系我系一个反面教材，总之大家千祈唔好学我，我系超级反面教材。”雪梨和应说：“我都系，唔好学我，大家饮杯。”