翁静晶素有“女侠”之称，不畏强权的形象深入民心，近日她在自己的节目《危险人物2.0》上，向嘉宾雪梨重提当年声讨两位圈中大哥成龙及曾志伟的往事。她先是讲到曾志伟当年于武师公会户口架空刘家良及其权限，却仍要刘师傅与她做担保，翁静晶当年愤而当众爆大镬，透露曾志伟事后反应，又斥曾志伟：“刘师傅带你出身㗎，矮仔！”之后她再谈到圈中另一大哥——成龙，解释当年为何会陪吴绮莉开记招，澄清“吴绮莉从来冇收过佢斗零！”

刘师傅为武师争福利遭封杀　拍内地片后被台湾拒诸门外要写悔过书

翁静晶指先夫刘家良师傅曾在影圈遇过许多不公允的事，亦曾被视为眼中钉。他说刘师傅为了让龙虎武师有工开，有时工作需要四个人，他会增至六个；又曾两度发起罢工，邵氏对他很有意见，她说：“𠮶时系当红导演，方逸华邵逸夫唔敢掂佢，佢搞咗罢工加咗武师嘅钱，但系搞完罢工人哋唔记住你咩？后来收视唔好，电影冇咁卖座，就喺𠮶度报返你所有嘅仇。”刘师傅拍完银都的内地片《南北少林》后，因当时的规矩，其作品将不能再于台湾卖埠：“电影要喺台湾上，你必须成为自由公会会员，拍咗大陆戏，自由公会就踢你出去。”邵氏未如承诺帮刘师傅拆解，于是有很多年都没人找他拍戏，怕不能卖埠，直至后来新艺城及麦嘉帮手，叫他去自由公会写悔过书认自己当年“一时糊涂”，刘家良方能再去嘉禾等拍戏。

曾志伟夺权架空刘家良户口　翁静晶两公婆却要继续做担保

此后，刘家良与成龙接拍《醉拳II》，他筹钱开武师公会，要买会址，而说到这里时，翁静晶就不得不讲曾志伟：“呢度关曾志伟好多嘢，我咁讲，你冇乜点惹我啦而家，但系𠮶时做𠮶啲嘢我喺𠮶时已经制裁咗佢！”她透露当年刘师傅为买武师公会会址，去嘉禾倾好了一千万制作费，当中有60万是自己片酬：“呢个钱攞咗返嚟之后，就去买九龙湾一个会址，攞嚟做武师会，但系唔够钱，要供会，1000万到咗位之后，曾志伟同埋佢𠮶啲friend，开会将刘师傅删除咗，控制咗银行户口，将佢所有权限全部取消晒。但系𠮶层楼系我哋做担保，我唔记得系刘师傅定系我做担保人，佢攞晒啲钱，攞晒所有控制权。”

首映礼当众爆大镬追数　曾志伟吓亲即耍冧：师母话事

她指刘师傅也曾从这1000万中出粮予武师，但有副导演卷走其中10万“走佬”，结果都要在刘师傅的60万之中扣除，翁静晶愤愤不平问：“个钱一路一路扣，后面好多嘢扣，扣到好多吓，都唔紧要，你将佢踢走咗，攞走咗个户口，武师会个会址当然系用武师会去hold啦，但系担保人系我哋㖞！我同志伟讲‘你依家做咗会长，你攞晒所有嘢，个担保你帮我攞返出嚟，你唔可以啲债就我孭晒。’𠮶度唔知好多百万，佢一路都唔睬我，唔肯去帮我哋攞返个担保。”

见追数不果，翁静晶于是在某次首映上，当住记者为刘家良发声：“我就做返我个角色，‘我今晚有啲嘢要同大家讲！曾志伟虾我哋！’我哋当住全世界爆出嚟，我性格系咁，角色好连贯，爆大镬爆到……我话‘曾志伟你好快啲搞返掂呢个担保！唔可以再揾我哋做担保！攞晒啲钱我哋就做担保！’跟住记者卖咗出嚟，喺咁多人面前就系咁样，跟住佢就覆返话‘唔好意思呀，师母！师母话事，师母话事！’”再经过一轮追讨和交涉，事情终于得以解决，不过此刻讲起曾志伟及成龙，她仍觉得二人不尊师重道：“曾志伟𠮶时做龙虎武师，同成龙都系，跟刘师傅出身，刘师傅带你出身㗎，矮仔！”

还原陪吴绮莉开记招真相　指吴绮莉母女从未收过成龙一分一毫

而讲到成龙，相信不少人都记得，翁静晶曾伴著吴绮莉开记招声讨对方，她笑言：“唔知点解次次都同佢冤家路窄。”翁静晶当初因定慧寺的尼姑牵线结识吴绮莉，尽管最终她发现该尼姑是骗子，但翁静晶与吴绮莉却变得熟稔，她亦知道了对方的故事。雪梨问：“你系咪帮佢声讨成龙呀？”翁静晶：“系！因为𠮶时佢俾人话收咗成龙钱，其实吴绮莉一毫子都冇收过成龙。”雪梨指自己听过另一版本：“吴绮莉怀孕嘅时候就同A君讲，我要咁多咁多钱先生呢个BB，呢个系传说，我话‘会唔会呀，人哋会唔会咁样做呀？我觉得唔会啰。’”

揭吴绮莉当年顺从母亲意愿诞女　卓林成长惨情

翁静晶大赞吴绮莉从以前起已经好靓，至于当年为何会决定诞下女儿卓林，原来是听从母亲的建议：“吴绮莉个阿妈喺后面做咗好多嘢，话你唔使担心，我哋有信教，细蚊仔有生命，唔应该去毁灭佢。佢都系因为宗教信仰，佢妈妈亦都话你唔使担心，我哋会帮你照顾，佢妈妈系做生意嘅人，佢觉得佢有妈妈咁嘅后盾，唔需要退。点知生咗出嚟遇到呢件事，佢同妈妈之间发生好多矛盾，吴绮莉一毫子都冇收过成龙，佢妈妈冇收到，佢自己亦都冇收到。”

吴绮莉独自去上海生活，靠做装修设计赚了点钱，省起俭用够与卓林在香港有个居所，但生活拮据，甚至连母亲过世搞遗产税都要向翁静晶借钱。不过外界竟有传房祖名出钱养两母女，愈来愈多谣言，加上卓林又报警控告母亲家暴等等，于是翁静晶认为要陪吴绮莉澄清：“我记得有日俾人拉咗，卓林喺大埔报警话妈妈打佢，拉咗之后话已经好惨，猛咁传出啲唔系真嘅嘢，话佢攞咗几多几多钱，于是精神崩溃爆煲，我话唔该一次过讲清楚，我就陪佢出嚟话‘从来冇收过佢斗零！佢讲到明唔会养个女！’个女成个成长历程都好惨。”

雪梨佩服做“架两”够胆色　翁静晶霸气寸成龙：惊佢有牙

雪梨听完之后，指翁静晶很喜欢做“炸两”（架两），翁静晶认为自己没可能不帮手，雪梨续谓：“你做炸两都好，因为你唔系呢行，唔需要靠呢行揾钱，我觉得做炸两都唔系咁易做，仲要做吴绮莉嘅炸两，你真系大胆呀！”翁静晶继续发挥大无畏本色：“我惊佢有牙？（雪梨：佢真系有牙吖嘛。）我哋两个都61岁，佢老过我哋，啲牙肯定仲早甩过我哋。”