张颕康早前宣布离开效力多年的TVB，回复自由身后的动向备受外界关注。今日（8日）他接受访问时，开腔大谈离巢后近况与工作安排。面对外界种种猜测，特别是关于是否因薪酬问题而选择不续约，张颕康亲自解画，强调与旧东家关系良好，更直言：“真系冇呢个问题”。

离巢全因想外闯：拍系拍到我完约𠮶一日

张颕康离开TVB后，不少网民揣测是否与人工有关。对此，张颕康在访问中强烈否认，并大赞TVB待他不薄。被问到是否因为酬劳问题，他斩钉截铁地说：“真系冇呢个问题！”他解释自己与公司的关系其实非常之好：“因为其实我同TVB关系好好嘅。咁我哋讲到最后讲嘅酬劳啊，各样嘢都好好。”

谈及离巢的真正原因，张颕康坦言是想跳出舒适圈，尝试更多不同范畴的工作。他表示：“我想离开系出去试多啲唔同嘅嘢。因为而家个世界开始真系唔同咗，唔系净系得电影，同埋电视剧咁简单。”他强调自己一直保持专业，绝对是好聚好散：“同埋我系基本上系拍系拍到我完约𠮶一日。相信大家都见到我都仲拍紧。”

至于目前的最新动向，张颕康透露已经有新发展，离开TVB后随即有其他公司向他招手：“其实好好彩我一离开咗 TVB之后有其他公司揾我。”他更开心分享：“嚟紧都已经都落实咗会同另外一间公司合作嘅，但而家就暂时未公布得住。”

仔女迷上Pokemon卡 拖蒋祖曼落水

留港拜年，小朋友自然收获丰富。张颕康指小朋友开始对金钱有概念，会主动要求父母帮忙储起利是钱，而太太亦会拨出约百分之五的金额让小朋友自由购买心头好。当被问到小朋友买了甚么时，张颕康苦笑透露仔女迷上了时下热炒的卡牌：“𠮶啲 Pokemon 卡。”

对于小朋友玩炒卖卡片，张颕康和太太借此教导子女正确的理财概念：“因为小朋友呢始终未有呢一个价值观。咁佢觉得呢好容易会得到呢啲嘢。咁我哋而家慢慢系反而学紧点样去教佢呢一个价值。”他指小朋友对几十蚊或几千蚊都“睇成一样”，对于金钱暂时只是数字概念，所以更需要从中引导。

提到这些卡牌价值不菲，甚至有被炒至高价的情况，张颕康太太即刻大爆原来当晚在场的蒋祖曼都是“炒卡前辈”！她笑指：“有啊，啱啱我同蒋祖曼倾紧呢个问题。”更指对方分享了将卡片炒至几万元的资讯。不过话口未完，张颕康即惊觉自己可能讲得太多，连忙搞笑求饶：“喂你爆晒人哋啲嘢出嚟啦㖞！爆晒出嚟啦，死喇而家！”他笑称自己只是向“炒卡前辈”请教资讯：“我哋呢啲资讯呢我都系问返佢哋。”场面非常惹笑。