《唱钱》本周六晚（14日）八点半翡翠台播出“素人版”，今集将诞生开播以来最强“唱钱素人”成功挑战Monster Level、打爆九格Sing盘，成为首位勇夺十万港元奖金的挑战者，令人相当期待。

“40岁靓太”Mani获网民力赞

今集“40岁靓太”Mani将承接上集余威，继续挑战九格Sing盘。在上一集以平均综合成绩90.12%先后挑战了Level 1《信者得爱》、Level 2 《Show You》、Level 3《后来》、Level 4《红豆》及Level 6《女神》的Mani，当中《信者得爱》除综合成绩高达92.7%，还获网民力赞声音酷似原唱郑秀文，力推她参加下届《中年好声音》，又指《唱钱》难度更胜《中年》：“把声都似Sammi”、“好Sammi Feel”、“为何不参加《中年好声音》”、“几好呀，一啲都唔畀《中4》输蚀”、“坚好听”、“声底好好”、“佢劲过《中年》，《中年》知自己唱咩歌，佢系上到去先知要唱乜嘢歌，而且仲要唱到”、“有料”、“非常好”、“估唔到唱得咁好听”、“参加过新秀真系唔同啲”。又指Mani颜值高企，是林欣彤＋吕慧仪混合体：“四十岁都几靓”、“如果接近40岁都算好靓女吖”、“唔化妆仲靓”、“第一眼以为系林欣彤”、“似吕慧仪”、“面型轮廓ok”。

Mani丧Loop所有歌追求完美音准

除了网民，Eric Kwok及森美对Mani亦是赞不绝口，Eric Kwok：“佢耳仔好犀利，模仿到啲人去到呢个地步，首先你一定要听得出，知道喺咩位而又做到（番出嚟），佢声带Control好劲”、“喺呢个节目唱得到又得好系好难嘅”，森美：“你系接近职业歌手Level。”Eric Kwok更主动问Mani为何本身没有学唱歌、音准都可以咁准，Mani笑言全靠反复狂Loop同一首歌：“因为我钟意听个歌手𠮶粒音点样出（嚟嘅）”、“我一只歌听好多好多次，可能几个月我都系听紧𠮶只歌、跟住系咁唱”，森美闻言大叹Mani“ 疯癫”之余，更忍不住搞笑问Mani家人点顶。到底本身拥有一定演唱实力而有够晒勤力的Mani，最后能否成功挑战余下的三首歌＋Monster，成为首位十万港元现金奖得主？

Derek年届40重新追梦

今集还有另一位十万港元现金奖候选人，他就是与Mani一样曾参加过英皇新秀歌唱比赛的Derek。自称“细细个已开始参加歌唱比赛”、比赛资历无数的Derek，自少已想入行追逐歌星梦，但随著年月过去，Derek在2007年英皇新秀比赛中八强止步后，终决定放弃追梦重返现实。直到遇上《唱钱》这个机遇，Derek决定重启“追梦Mode”为年届40的自己再追一次梦，相当感人。与Mani同样拥有一把靓声的Derek，亦获Eric Kwok赞不绝口，指Derek“低中音都好听”之余，又赞他咬字清晰：“你系咁多参赛者，系咬字最正嘅一个，零懒音”及“太有感情”；虽然“咬字”与感情”两者均与《唱钱》过关条件无关，但足以证明Derek唱歌值得期待，亦甚有潜力赢走十万港元现金奖。

本集出现超高难度非Monster歌曲

今集，两位挑战者都会开出不少新歌，其中一首非“Monster”更被Eric Kwok评为：“呢只歌嘅难度系我听咗300次都未练好只歌”、“（啲词）好密，一句衰咗，就衰廿粒音。”想知咩歌既非Monster又难度咁高，以及Derek与Mani谁人才是真正十万港元现金奖赢家，密切留意本周六播出的《唱钱》。

Mani 面试片段获网民点赞

另tvb.com社交网上周公开了Mani《唱钱》面试片段，化了淡妆、戴上粗框眼镜的Mani颜值大获好评之余，人物性格亦赢尽赞赏，全因对答够晒幽默贴地。Mani面试金句有：“又唔使好听、又唔使台风，咁本身我冇乜嘅，咁咪可以试吓”、“其实我由细到大都发明星梦”、“我两个仔都成日叫我参加中年好声音。可能平时佢哋听得我唱歌多，潜意识觉得我只只歌都应该要唱到嘅”、“40岁都几大镬架，奔四吖嘛，女人嚟讲几大镬嘅。”

对于Mani的快人快语，网民纷纷点赞：“对话好搞笑”、“心态唔错，对答冇距离感”、“靓太好勇，支持”、“面型轮廓ok，声音够响亮，面部表情唔错，讲嘢够淡定，40岁真系冇问题，可以考虑做艺人”、“几可爱”、“呢位妈咪好率真”、“佢讲嘢把声都好听”、“素人嚟讲我觉得佢讲嘢算几叻”、“靓太好玩得”。