七师傅爆张致恒拒申综援多借口 药房任攞日用品帮找数︰条数好大
撰文： 许育民
出版：更新：
近日堪舆学家七师傅（七仙羽）现身陈志云主持的电台节目，除了大谈早前的官司风波与神秘情史，外界最关注的，莫过于她近年曾向因财困及家庭问题的张致恒（Steven）伸出援手，惹起网上热议。今日（14/3）七师傅现身尖沙咀出席新店开幕任剪彩嘉宾，提到为张致恒伸出援手，七师傅接受访问时表示：“其实我认识佢系因为一齐做嘢，每次佢问我攞钱嘅时候，我都有问佢用嚟做乜，佢都有解释原因俾我知，我觉得佢解释得通我就会俾佢。”
七师傅今日出席活动，被问及私下帮助张致恒事宜。（吴子生 摄）
否认纵容张致恒
七师傅又指身边很多朋友都劝喻她不用再理对方：“好多人都话我纵容佢，我自己分析过，我觉得我唔系纵容佢，系因为佢真系有嘢做佢真系好勤力，由朝早做到晚，同埋佢每日都要行唐楼搬啲货，佢系靠小费生存。”
张致恒曾被拍到在街头当搬运工人。（影片截图）
七师傅爆有为张致恒在药房的消费埋单。（网上图片）
爆每月帮找数
问到对方攞钱应急数目多少？七师傅表示：“其实过万都有，因为有时佢会话冇钱交租，又会话小朋友冇奶粉食好惨，同埋佢又话佢啲小朋友一定要食指定𠮶只牌子奶粉，同指定嘅成份，变咗我又唔得闲帮佢买，我就叫佢去一间药房度攞，想要乜嘢佢自己去𠮶度攞，然后我就帮佢埋单。”
被问到每月为对方找数金额多少？七师傅表示：“譬如佢可能冇钱交租，冇钱买嘢，又冇钱交电费，然后拖一段时间，到时我找𠮶条数就好大。（有几大？）我讲咗惊佢嬲。如果讲帮咗佢几多钱，总数到6位数字，每次问要钱嘅时候，几千蚊又有，万几蚊又有，几百蚊咩都试过。”
七师傅曾劝张致恒申请综援 。（吴子生 摄）
劝对方申请综援多借口︰我都觉得好烦
七师傅透露有劝喻张致恒申请政府综援，但对方诸多借口：“我话你可唔可以申请政府个综援，我话好似一个人可以攞到好多钱，佢话唔系一个人攞到好多钱。我都有叫佢申请公屋，佢话要等好耐，如果佢申请到公屋压力就唔会咁大。我身边好多人都叫我唔好再帮佢，其实我都觉得好烦，唔知点样算。”