蔡思贝今日一大早起来参加“博爱单车百万行”，为慈善出力。这是她正式宣布离巢TVB后首次公开露面，问到今日心情如何？她说：“好清新，我今日凌晨4点起身、食烚鸡蛋同土豆，平时我都有踩单车，但今次系第一次计时踩21km，我嘅时间系under 1小时，好开心。今次无特别准备，当做慈善，无比赛嘅心情，所以好轻松，唔同马拉松会有个目标畀自己。”

写感谢文爆喊写不到

问到离巢TVB的事处理了多久？蔡思贝说：“处理咗一段时间，由报道到正式公布都隔咗一段时间，我𠮶日喺屋企写𠮶篇感谢文系一路喊一路写，停咗几次喊到写唔到，当时系回顾呢13年写嘅经历，经历咗好多，百感交集，点点滴滴，原来自己拍咗好多剧，演过好多角色，都会唔舍得。今次系双方共同协议，就好似我问可唔可以去外国读书？佢话好啦你去啦。（有无咩工作大计？）有机会会想试下拍电影，我嘅兴趣系演戏，想继续演戏。（有无新工作安排？）有工作倾紧，自己都想试下新嘢，好似之前去登台唱歌，咁我都有自知之明嘅，想学多啲嘢增值自己。”她又透露于今年初与TVB完约。

希望星爷可以再给予合作机会

至于可会自组公司？蔡思贝说：“暂时系我自己倾工作，有唔同公司接洽我，自己倾工作都系学习中，我有揾朋友教我用电脑编时间表，呢啲之前系唔会自己做嘅。（你想自组公司定签公司？）我系一个yes man，随缘，经历下呢段独立阶段，一切有无限可能性。（自己倾job有无困难？）so far都ok。（系咩原因令你决定要离巢？）想试下新嘢同埋想去出面嘅世界学嘢，北上发展都ok。”问她会否找曾合作过的星爷（周星驰）请教演戏？蔡思贝说：“唔敢揾星爷指点，佢咁忙。（想唔想佢再揾你拍戏？）我梗系希望佢有多啲嘅作品可以揾我啦，佢系我崇高嘅偶像同埋好出色嘅导演。”蔡思贝表示离巢一事并没有问圈中朋友意见，相信自己直觉。另外，提到总是有人说她与王浩信的绯闻，会否感到好委屈，对此她说：“我无乜留意。”再问到她现时与王浩信是什么关系，她微笑拒绝回答并示意访问完毕。