张致恒（Steven）与太太区燕雯（雯雯）于2019年结婚，育有四名儿子，但长期经济拮据，多次因欠租问题被逼迁，雯雯亦不时在社交平台发文放负，引起网民关注。早前七师傅（七仙羽）在接受陈志云电台节目访问时，透露近年向张致恒一家伸出援手，其后出席活动时大爆帮对方找数，总数达6位数字，又曾劝对方申请综援，但就诸多借口。对此，张致恒今日（18日）就发文回应！

七师傅大爆帮张致恒找数

早前七师傅接受访问时透露因工作关系认识张致恒，她亦尽力帮助对方：“每次佢问我攞钱嘅时候，我都有问佢用嚟做乜，佢都有解释原因畀我知，我觉得佢解释得通我就会畀佢。其实过万都有，因为有时佢会话冇钱交租，又会话小朋友冇奶粉食好惨，同埋佢又话佢啲小朋友一定要食指定𠮶只牌子奶粉，同指定嘅成份，变咗我又唔得闲帮佢买，我就叫佢去一间药房度攞，想要乜嘢佢自己去𠮶度攞，然后我就帮佢埋单。”七师傅又指张致恒勤力工作，由朝做到晚，每日都要行唐楼搬货，靠小费生存。

张致恒感激七师傅援助

对此，张致恒就上载了工作照，并写道：“首先我要感谢七师傅一直以嚟嘅帮助，因为冇佢嘅帮助，我都真系过得几困难，仲要多谢曾经帮过我嘅咁多朋友，我只能够讲对唔住，而家嘅我仲未有本事还到钱，但系我从来冇忘记过每一个人嘅恩惠，亦都从来冇谂过唔还钱，七师傅系一个好好嘅人，好有善心，成日都会主动问我哋过成点，都会问我嘅小朋友有冇饭食，间唔中仲会买啲零食畀佢哋。”

张致恒已申请公屋拒攞综援：我好钟意工作

张致恒坦言转职做搬运已近1年，自己亦很努力工作：“好多人问我点解唔去攞综援，申请公屋，其实公屋呢就已经申请咗一段时间，但系呢个世界唔系话人多就可以快啲攞到屋，同埋我真系唔想去攞综援，因为我好钟意工作我好钟意做嘢，同埋我想提醒一下我系有四个仔，大𠮶啲唔饮奶粉唔代表细𠮶个唔饮奶粉，再加上我哋唔系饮贵奶粉，只系美素佳儿3号，最细𠮶个未戒到尿片，其实有好多嘢我懒得解释，要唔信你嘅人永远都唔会信你。”