陈启泰今日现身会展出席开电视节目巡礼，为他与方健仪主持的新节目《我要做主播》宣传。陈启泰表示希望透过节目培样一班有兴趣往主持和主播方面发展的年轻人，他自己也会跟著潮流去更新自己，拒做“old seafood”。

遗传性抑郁症病发　曾几日唔冲凉唔出街

谈到久未露面，陈启泰直言已有一段时间没出现在萤光幕，亦没有出现在香港娱乐圈，因为他在2022年期间患上一场大病，他表示：“当年发病最主要原因系家族遗传，我妈咪以前都有抑郁症。”在病发最严重的时期，他的生活完全瘫痪，甚至出现自我放弃的情况：“我试过两、三日唔冲凉唔出街，当时太太100%时间陪我，佢抽离咗佢教会嘅工作，每日24小时、一星期7日咁陪咗我半年有多，日日对住个傻佬，搞到佢嘅精神都唔系咁好。”

陈启泰忆述有段时间即使吃了家庭医生开的安眠药，还是一个小时都睡不著，但又不敢看医生，因正值新冠疫情高峰，每日数万宗确诊，看著窗外的救护车不断接走病人，令他心理压力极大，如果被隔离一定会发癫，最后全靠在太太鼓励下，鼓起勇气寻求精神科医生治疗。他更坦承，由于住在高层单位，情绪低落时曾闪过轻生念头：“因为我住得高，望落去都有个咁嘅念头，好彩我唔够胆。”

服药致体重飙升至216磅　靠运动抗病康复七八成

由于要服用药物治疗，副作用令陈启泰体重暴增，最高峰时曾达216磅。他表示：“依家180几磅，比我十几年前都重咗少少，但我反而觉得依家最紧要收肿，希望大家每次见到我都无咁肿。”他表示目前已停药一年，全靠积极运动和家人支持来对抗抑郁：“依家好返七、八成，每日都好似有份工咁，积极做运动去对抗呢个病。”

揭《百万富翁》明星版造马真相

除了分享抗病心路历程，陈启泰亦宣传新节目《健康百万大道》。提到近日受访时大爆当年《百万富翁》明星版“造马”，陈启泰大方回应：“因为明星版𠮶几集系做慈善，咁梗系多多益善，唔通捐8000蚊，梗系100万啦。同埋有星爷周星驰、黄沾等咁劲嘅嘉宾上嚟节目，你唔同佢玩到100万，你自己蚀底。”

陈启泰称当年周星驰上节目前曾提出条件，就是要坐主持位反客为主发问。“佢话‘我要做主持，我要坐你个位，我问问题，你答问题’，呢个其实系一个好好嘅桥，观众睇得好新鲜。我记得星爷第一条问，边个系佢真名，其实我知道周星驰系佢真名，但有个答案佢读错咗，咁呢个就梗系佢真名啦，所以星爷真系一个好劲嘅搞笑能手。”陈启泰更爆料不只星爷，很多明星嘉宾现场都有FM在后面“提水”给提示，目的都是为了让气氛更热闹，并争取更多善款。

邀陈芷菁上新节目平反

问他为何不给陈芷菁提示，害对方被人笑足多年？陈启泰笑言：“其实系有架，因佢当时去到六万蚊，就算答错都唔会无晒钱，但芷菁好衰唔衰，冲口而出一句‘我读 Drama 㗎’，令到成件事好惨，佢可以话系壮烈牺牲咗。”

陈启泰称稍后亦会有另一节目《健康百万大道》，围绕一些香港人常见健康问题，例如湿疹、精神疾病等等，形式有点类似百万富翁。陈启泰笑言：“我今次第一个邀请嘉宾就系陈芷菁，我特登请佢上嚟，俾个黄金时间佢去平反，因为佢以前做过关于湿疹嘅大使，所以湿疹问题，佢一定了如指掌！亦都俾机会我向佢道歉。”陈启泰更幽默说：“如果佢今次都答唔到，我会代佢答。我会话：‘呢条问题我识，因为我读经济㗎！’”