一代巨星陈百强于1993年遗憾离世，享年35岁。多年来坊间一直将其死因归结为与赌王女儿何超琼的遗憾苦恋，甚至蒙上“殉情”色彩。电影人王晶在社交平台上谈到陈百强的死因，表示悲剧背后是事业落差、心理压力与药物意外的综合结果。此番言论引起了讨论。昨日（3月21日）翁静晶出席“燃点真爱”慈善团体成立典礼 ，原来“燃点真爱”慈善团体源自陈百强歌迷会。活动中翁静晶接受《香港01》访问，作为陈百强多年好友兼首届会长，自然被问到有关对王晶一番言论的睇法。

拒代故友发声：等佢家人讲会好啲

翁静晶：“作为朋友原则，好多嘢我知道都唔应该去多讲。第一，佢就唔喺度啦，讲咗出嚟嘅时候，人哋冇得辩驳。佢都有好多支持者，未必认同呢个讲法。无论系乜嘢讲法都好，都唔系当事人讲，就算你知道一啲嘢，都系等佢家人嚟讲会好啲。”陈百强英年早逝真相曝光　王晶谈陈百强死因否认其是“为情所困”

划花佢嘅形象？我觉得唔应该咁做

“因为你知道，陈哥哥喺度，家姐又喺度。讲出嚟嘅时候唔系伤害已经走咗嘅人，系伤害到佢嘅家人，同埋陈百强歌迷会嘅人系好锡Denny，Denny又好，张国荣又好，都系有一个形象喺度。佢短短嘅人生，呢个就系佢想畀大家记得嘅嘢。咁点解你喺佢唔喺度嘅时候，冇得辩驳嘅时间，去划花佢嘅形象？我觉得唔应该咁做。”翁静晶习惯收死亡恐吓　遭夫家严密“保护”：街都唔可以出

斥重提死因“唔道德”

记者问，会否觉得王晶拍片谈及陈百强的秘闻是“利用”，行为不洽当？她坦言没有睇过有关片段。有记者表示，片中谈及陈百强事业落差、心理压力与药物意外等事，她以另一个方法回答：“咁样讲啦，任何一个艺人都有高潮同低潮，对一个追求完美嘅人嚟讲，由佢出道第一日都系低潮，因为佢对自己有要求。其实对于Denny嚟讲，我唔觉得有高同低分别，一路都系𠮶种要求，要完美，所以对佢嚟讲，一路压力都喺度。你话压力系咪令人冇咗条命？我亦觉得有啲夸张咗少少。咁点解佢会唔喺度，我谂佢嘅死亡证有写清楚，大家去查都可以查得到。绝对唔应该喺我口度讲。呢个始终唔系好道德，呢个我唔想讲。”她直言，有需要讲出真相的话，一定要由陈百强的家人说出。翁静晶“后悔嫁刘家良”真相　为爱断送事业：选择轰轰烈烈嘅爱情

王晶女儿因节目挨轰

另外，翁静晶也提到，王晶女儿王子涵（Ada）为她的女儿的同学，所以亦算是世姪女。“都系同一间学校读书，佢个人比较直来直往，觉得讲吓搞吓笑，啲电影都系𠮶个风格，我觉得唔好太过怪佢，当系一个娱乐性质素，笑吓就算啦，亦唔好太过去追究。”