《九龙城寨之终章》拍摄进行中，昨晚（22/3）惠英红、胡子彤、袁澧林等人出席香港电影导演会周年晚宴暨年度颁奖典礼时，接受访问大爆进度。当晚导演郑保瑞接受访问时，笑言现场会设有医疗团队，为演员们受伤做准备。胡子彤接受访问闻言，大表“放心”。

胡子彤盼用不上医疗团队

胡子彤：“我几时都好安落㗎！认真少少先，其实大家不论动作，安全措施都做得好好，所以上次系纯属意外，今次更加有经验，所以更加放心。再加上导演话有医疗团队，咁就更加放心，希望唔使用咁多⋯⋯呀，直头唔好用就最好。（要有真实演出）拍戏啫，唔使真系受伤嘅。”他也透露，今次因为场境变大了，所有动作场面也会升级。

惠英红叹身手不如前拒再拍打戏

后来，惠英红路过时被传媒拉入画面一齐受访，她对于袁澧林和胡子彤都欣赏。惠英红：“我都好耐冇返嚟开工。”胡子彤说：“好快有㗎啦！”（胡子彤佢而家好红呀）惠英红回应：“吓？咁我唔敢黐啦⋯⋯”胡子彤：“千祈唔好。”惠英红：“其实我开心嘅，希望有新一代，唔系剩系得我哋啲老嘢喺度。”

有记者问惠英红会否再拍打戏，她回答已不再想拍打戏，语重心长的表示“唔想拆招牌”：“就算好熟𠮶啲揾我，都唔打㗎啦。（推咗好多？）系呀，同埋唔想打烂自己招牌。”胡子彤十分识做，提议惠英红和袁澧林及他，三个人一齐拍文戏。惠英红：“如果呀？佢哋两个咁后生咁靓，咁我做佢哋阿妈啰。”胡子彤：“好呀，靓妈妈同埋靓家姐。”传媒起哄，为什么是袁澧林做家姐？惠英红说：“佢咁靓，做情侣都得啦。”胡子彤：“咁有好多可能性㗎嘛。”惠英红：“导演一听个剧本，叫你扯啦。”