朱鉴然（朱仔）、廖子妤（Fish）、汤令山今日（25日）现身中环出席品牌活动，同场还有台湾名模林志玲，朱仔与Fish受访时都表示非常期待，因今次是首次见对方，若情况许可希望能合照，不过Fish就谦虚表示：“我惊喺佢隔篱我会太唔靓。”但朱仔就大声说：“廖子妤冇可能唔靓！”谈到对林志玲的印象，二人指是温柔、高贵、大方，FIsh透露自己很喜欢睇对方的访问：“佢嘅访问总会系有好温柔嘅答复去回应好尖锐嘅问题，我记得佢讲过一句我好深刻，佢觉得温柔系呢个世界上最大嘅力量，佢觉得可以用温柔嚟包容晒所有嘅尖锐。（问：你都有向佢学习？）好难㗎，你睇过佢经历你就知道佢系一个修为好高嘅人，都想向佢学习，尽量，温柔啲。”

林志玲靓爆现身中环粉碎健康警号传言　自爆在香港吃太多被警告

《骨妹》班底十年Re-U感触多　Fish封后开心又担忧

日前在导演会活动上，朱仔、Fish、余香凝等以及幕后班底即时来了个《骨妹》十周年小Re-U，难得来了张合照，问到见到大家十年后仍在这个圈子，而且有了更高成就，会否特别感触，朱仔说：“感触呀，啱啱你（Fish）又赢咗奖，呢一个moment，我见到你赢𠮶下，我都心谂……廖子妤应该起码三晚瞓唔着。”Fish表示自己确实仍在消化荣获“2026香港电影导演会最佳女主角”的感受，既开心又担忧：“好多思考，我都好想自己可以继续去进步，可以对得起我而家攞奖，同埋我要对得起我嘅运气，对得起钟意我嘅观众。”相隔十年，Fish觉得朱仔成熟多了，但样貌没变，朱仔反笠高帽指Fish才是Keep得好，但更难得是二人的质力、初心不变，又认为Fish总是对很多事情担心及预想很多步，未发生已谂定先，Fish也承认自己是“杞人”，总是杞人忧天，希望能将之转化为长处。

Fish自费睇戏写感想被屈打手　委屈发声只想为电影抱不平

日前Fish睇完电影《再见UFO》后写了一篇观后感，推荐大家入场观看。她明明是分毫无收，自己畀钱买飞入场，却被一位网民质疑是打手，她也不禁要发声反驳，坦言：“唔明点解唔可以纯粹写观后感？我睇完呢部电影，有呢啲感受，就想简短地摘要部份，尽我嘅能力分享呢部好电影俾大家……我只系简短写出部份嘅感受。俾你一句得埋嚟话我收钱，我觉得好委屈，亦都对部电影唔公平。”活动上被问起此事，Fish即搞笑地打自己的手：“哎呀！边只手回应呀？”问到是否后悔，她表示：“其实人哋都系讲一句，但系我觉得我嘅回应，其实我系想为部电影抱不平，如果佢净系指向我嘅话，我觉得我可以唔理佢，但系如果佢话我做打手，即系话佢哋请打手啫？但系因为唔系，系我睇完呢套电影讲我嘅感受，我都系抒发我嘅感受，只不过可能对佢嚟讲我写得唔系咁好，睇起嚟似鳝稿，就系啰，我用我嘅方式去澄清返，话畀佢听唔系㗎，唔系咁样㗎，只不过系我内心嘅感受啫。”

叹公众人物发言有压力　朱仔力撑Fish热心支持业界

问到会否觉得网民很苛刻，写几句观后感都被骂，Fish认为世上每个人都有权讲出自己心中所想，理性讨论绝对没问题，有时即使有不实指控她也不想回应，纯粹今次是觉得讲到另一套戏，不希望该电影的团队被误会，于是很想澄清，但她不讳言：“都有啲压力，尤其是公众人物，其实我应该就乖啲，我会……尽量啦。”此时朱仔说：“廖子妤好支持朋友、好支持大家业界。”FIsh表示自己纯粹觉得好睇，但明白每个人都有自己见解，也有权表达自己想法。

回应港产片票房告急被指“卖惨”：而家系明知输都要打

除了《再见UFO》，近日《电竞女孩》团队都有在网上就票房告急，但有部份Threads网民却会批评，问到会否觉得难上加难，Fish认为：“都会觉得有艰难嘅时候，但因为正正系有一个咁嘅平台，先至可以话畀大家听我哋而家嘅现况，佢会有好同埋唔好，所有嘢都系一样。”对于有网民指电影导演在“卖惨”，朱仔直言：“唔系卖惨嘅，个情况就系咁，起码导演肯Voice out，因为佢好爱呢个作品，有呢个平台，咁当然要尽力。尽力拍摄、尽力制作，尽力宣传，尽力同大家讲，佢哋个电影就系话明知输都要打，系咪先？”Fish也附和：“我哋而家都系明知输都要打，呢个行业系咁，但系只能抱住一个正面心态去面对呢件事。”

成功争取连放五日生日假　隔空暗示男友小野送手袋？

最后，讲到Fish将在本月31日生日，问到有何大计，朱仔笑说：“赢多几个奖？”Fish表示：“做啲开心啲嘅事啰。（朱仔：有咩开心事做？我想知你平时会做咩开心嘅事？）帮猫梳毛啰，可能会旅行，因为我有五日假！（朱仔：帮啲猫梳毛佢哋会唔会喵喵喵？）我会打乞嗤！”Fish预告今年成功争取放五日假，男朋友小野（卢镇业）都已请定假，她希望去旅行，但因为有工作未落实何时“放人”所以未敢买机票住，如果最后去不成旅行，就在香港本地游及执屋。至于男朋友会否有什么礼物上的表示，Fish笑称要自己讲就冇意思，叫小野醒水，此时又拍一拍身上揹著的手袋，说：“个袋咁靓！”看来小野都要识做喇！