香港电台第二台即将推出多个新节目，昨日（1日）举行“四月迎新日”听众见面会，黄耀英（Darren）与李旻芳（Lucy）夫妻档现身，原来是为了支持刘倩怡的宠物节目《有尾相伴》，因两位同样是爱狗之人。李旻芳在台上说：“我由细到大都系超级钟意动物，特别钟意狗，我钟意到细细个会自己扮狗，真系攞个水兜喺地下自己舔，你哋唔好觉得我奇怪，我想理解佢哋点样生活，佢哋角度系点，我而家冇再咁做喇放心！”黄耀英就指现时太太已长大，自己冇见过这一面。

走出痛失爱犬阴霾　花尽心思领养有行为问题唐狗

李旻芳爱犬BB和妹妹离世后，原本她想过不再养狗，但发觉生活无聊，连放假都去领养中心逛，最终三年前领养了唐狗Max。她与黄耀英接受《01娱乐》访问时分享更多故事：“本身我哋领养𠮶只狗有行为问题，我哋领养中心入面嘅人都好难approach到，所以我哋领养之前都做咗好多preparation，日日都去领养中心坐喺度，唔同佢有eye contact，俾佢闻吓你浸味，等佢习惯我哋存在。”

爱犬怕生又胆小　行街被小朋友轻摸即吓至失禁

二人又指狗狗最初回家时都不太适应，更模仿Max会躲在饭台台脚后观察，露半个头以为大家看不见，并说：“用咗好多时间先至摸到佢，请佢食嘢掂吓佢下巴咁样，我谂用咗起码大半年先至开始掂到。”他们说Max很怕生，出街都要行指定路线及需要时间熟习，故此暂不敢带牠到现场，怕牠有压力，又透露：“佢唔系一般嘅惊，佢试过喺街度经过有个小朋友好钟意狗，想过去摸佢，小朋友都好细个，我只狗仲大过小朋友，但系只狗缩埋一边，个小朋友摸佢呢，令到佢失禁。个小朋友冇乜点郁，就咁揩咗佢一下，普通say hi都惊到咁，要respect返佢嘅space。”

解画缺席吴幸美婚宴之谜　黄耀英撑新人话事：绝对尊重

《东张西望》主持吴幸美上月结婚，宴请了李龙基、谭玉瑛、安德尊、李思捷等艺人，却没有任何《东张》幕前，因此惹来揣测。问到事前是否没收到通知，黄耀英说：“以我印象喺WhatsApp group𠮶度知道，我觉得呢个系佢嘅婚礼，以我自己嘅经历，结婚系好stressful嘅事……”李旻芳即抢白耍花枪：“系咩？我好开心㗎㖞！”而黄耀英就立即氹老婆：“几开心，又stressful……所以一对新人想点，绝对respect个新人，佢哋想请几多、请边个、喺边度摆，讲真it’s their day，系佢哋人生最开心嘅一日，畀佢哋开心尽佢！我哋同佢熟，同幸美工作咁多年，我哋好钟意幸美，wish her all the best，冇冲突㗎。”

因《东张》日日开厂难齐人　李旻芳：相信佢好想请我哋

问到会否因为《东张》太人强马壮，好难请晒，黄耀英就说：“都唔系㗎，个问题系我哋日日都要开厂，好难有一日要请晒咁多人！”李旻芳亦理解吴幸美：“我相信佢好想请我哋，就算你见唔到，未必佢冇send个祝福畀我哋，或者冇通知我哋嘅，只系大家报道未必见到啫，我哋《东张西望》所有人都好钟意幸美，亦都好恭喜幸美！”

戥《东张》聋哑女美华胜诉高兴：估唔到做节目可以帮人改变人生

此外，前一晚《东张》讲到5年前被女保安阿娟赶出家门的聋哑女美华5年前被，入禀法院后经过连日审讯，终获判胜诉，能拥有单位的38.28%业权，而保安阿娟亦需承担讼费。节目上，李旻芳毫不掩饰兴奋之情说：“好嘢！见到美华最终胜诉，成个人开心晒，我哋都好戥佢开心，证明我哋之前嘅努力无白费到呀！”她在访问中亦补充，指原本已放下气愤，但一睇播出感觉又返嚟：“点解会有咁嘅人呢？呢个世界真系乜人都有！起码好消息就系原来真系美华都可以争取到，好开心，我哋可以陪住佢，成个过程一齐走，甚至乎佢打官司期间，𠮶个邵生都有帮手翻译，佢都有WhatsApp我，佢话美华而家咁样咁样情况，大家都有update，所以好开心，我见到美华成个人都唔同晒，以前第一次见佢，佢真系愁眉苦脸瘦晒，而家见到佢识笑！估唔到做一个电视节目，可以帮人哋change佢嘅life！”